[ζ ـــږۉف الـتـ’ـمـيـــزْ]

الصحبة.. الصاحب ساحب.. قل لي من تصاحب اقول لك من انت ........الخ من الامثلة اللي اكيد شبعتوا منها في سياسة معينة ممكن تفيدكم.. اصحابكم هما اصحابكم ماراح يتغيرون وهم على العين والراس لكــــــــــــــــــــــــــــــــــــــن.. لين عند الدراسة وبس.. لا تخلوهم يأثروا على مستوى دراستكم او اتخاذ قراراتكم في التخصص.. في الأخير هذا مستقبلك لا تتركه احد يتخل فية .. ايضاً لاتقارنون انفسكم فيهم اذا كانوا اقل منكم.. دايم قارن نفسك بادفر نااس عشان تعرف مستواك .. كمان الاصحاب مو شرط ميولهم تكون زي بعض .. فتلقوا كل واحد اجتهاده على قد همتة و رغبت بالعربي قارن مستواك بمستوى اعلى الطلاب سوا كانوا اصحابك او لا .. واي كلام ممكن يحطمك او يحبطك ابعد عنه لان مهما كان ترى نتاثر باللي حوالينا .. نصاااائح عاامة: 1/التحضيري مجرد اعاده للثانوي بس باللغة الانجليزية.. 2/اول نصيحة اخذتها من المنتدى (مذاكرة الثانوي ماتنفع في الجامعة) .. لازم تذاكر قبل الاختبار عشان لو في شئ مو عارف يمديك تسأل عنه.. و يوم الاختبار يكون بمثابة المراجعه لك.. 3/تنظيم الوقت .. ممكن ترجع البيت على الساعة 5 العصر خصوصا للناس اللي ساكنة بعيد.. انا الترم الأول كنت يومياً اخرج من البيت7 الا ربع.. وارجع 4ونص.. لكن الترم الثاني اخف .. 4/اين كان المستوى اللي دخلة بالانقلش لا يكون عائق لك ولا تتذمر لان هذا نصيبك قبل كل شئ .. وهذا مستواك وانت المستفيد في الاخير ..ايضاً اللي يبدءون من لفل 1 او 2 هم مستفيدين اكثر لان بتزيد لهم عدد الساعات .. لان لما تخلص تحضيري يكون عندك 27 ساعة بينما اللي اخذ 3 يكون عنده 25..واللي اخذ 4 عنده 23 ساعة .. 5/لما يكون عندكم اختبار الكتروني ركزوا تمام لان ممكن يجيكم اسئلة بالفهم.. 6/لاتتوقعوا الاختبارات تكون زي الثانوي تجي مسائل من الكتاب .. لازم يكون في تنويع.. وتذكروا دائما ان الاختبار ماراح يظلمك مذاكرتك هي اللي انت ممكن تظلم نفسك فيها.. لان الاختبار يمر عليك وعلى كل طلاب الدفعه وكثير يجيبوا علامات كاملة.. مستحيل يكون لهم مخ نيوتن .. كلنا زي بعض بس يفرق في المذاكره.. فلا تظلمون انفسكم.. 7/الخطتين متساوية في الصعوبة والسهولة .. فيها حفظ وفهم .. لايضحك عليكم احد ويقول في خطة اصعب من الثانية.. ولو شفت صعوبة اعرف ان هذا تابع لميولك.. 8/انتبهوا ثم انتبهوا من الشائعات .. اكثر مكان ممكن تلقون في شائعات تنتشر بسهوله الجاااامعة .. خذوا الكلام من مصادر موثوقة.. 9/دائما حاولوا تكون درجاتكم كاملة لاترضوا 26 و27 .. خلوا طموحكم درجات كاملة .. لان اذا انت ماجبت في غيرك بيجيب وبتكون الاولوية له في التسكين.. 10/خطة ب .. غالباً يكون عندهم وقت فراغ اكثر من طلاب خطة أ .. انا مع خطة ب كنت اقوم الصباح بدري من بعد الفجر واكمل مذاكره .. وكمان في الطريق للجامعة .. ولما اوصل اروح اجلس في ساحة كبيرة قدام مبنى2 كنت احب اذاكر فيها خصوصاً لما يكون الجو حلو.. لا تضيعوا وقت اضغطوا على انفسكم شوي عشان ترتاحون بعدين.. 11/مستوااك في الثانوي لا يعني هو مستواك في التحضيري .. انا عمري ماكنت احلم اني اجيب نسبة حلو في الثانوي بس الحمد لله جبتها في التحضيري الترم الأول .. والترم الثاني نزلت بس الحمد لله .. اخر شئ ادري طولت بس معليش استحملوني شوي .. كل ماتذكرت شى رجعت كتبتة ما ابغى انسى حاجة .. خلاص التجربة: 1/ (حين يتعلق الامر بحلمكـ .. فكن اصماً تماماً ولاتفتح مجالك السمعي لأصوات ضحكاتهم الساخرة! حتى تكون انت في النهاية من يبتسم... ) اقفلوا اذانيكم عن كل شئ سيئ .. انظروا للجانب المشرق من الامر الذي انت فيه.. كل شئ في الدنيا له سلبيات وايجابيات..تناسوا السلبيات لتنعموا بالايجابيات .. 2/ ( الخيره فيما اختاره الله) كل شئ صار لك او بيصير لك خيره.. 3/ (كونوا واقعيون متفائلون) تفائلوا.. لكن لاينسيكم التفاؤل .. الواقع فتندمون!! 4/ (الرضــــــــــــــــــــــــــــــــــــــــــــــ ــــــــــــــــــــــــــــــــــــــــــــــــى) أي كان الشئ الحاصل ارضوا فية واقلموا نفسكم معاه .. مابيدكم تغيرون نظام جامعة اقلموا نفسكم مع واقعكم.. مابيدكم تغيرون المناهج اقلموا نفسكم معاها احذروا التذمر .. ترى بيمر عليكم اشخاص متذمرين وضيفتهم في الحياة يحطموا الناس اللي معاهم.. 5/ (البــــــــــقــــــــــــــــاء للأقوى) لتكن هذه الجملة في عقولكم دائماً .. فالمتهاون والمتخاذل ليس له بقاء .. دائماً هناك قلة على القمة .. كـــن قوي الارادة لتكن على القمة ... بعد ماعرفت نظام التحضيري وقبل ماتبداء السنة .. برمجت مخي ونفسي اني انسى الثانوي ومستواي فيها وكل شئ .. و ابداء من جديد .. وزي مانجحوا بتفوق اللي قبلنا انا كمان اقدر.. الحمد لله ماخسرت .. وزي ماذكرت كنت اقل وحده في صاحباتي اللحين الحمد لله اعلى وحده فيهم بفضل ربي .. ♥لا أحد يرد لين اخلص ♥