[ζ ـــږۉف الـتـ’ـمـيـــزْ]

اهم المشكلات اللي تواجهنا كطالبات :. مشكلات يعاني منها البعض:. 1/المواصلات .. بما انها مو بيدينا.. نتأخر وننحرم من دخول المحاضره.. من اللحين اللي يكون بيتها بعيد تأكد على اللي بيوصلها يوصلها بدري .. عشان لاتحرقي اعصابك و تضطري تجري وتطيحي وتدخلي يالله تلحقي نفسك .. لا والاحلى لما تنطردي بعد هذا كله.. 2/الازعاج .. ممكن تخلص المحاضرة على 2:20 يصيروا البنات يخرجوا من المحاضره عشان يلحقوا باصاتهم ويسببوا ازعاج.. مراات مايبقى غير اخر خطوه في المسأله نأجلها للمره الجاية عشان البنات مايبغوا يجلسون لين 3.. اوكي هما معاهم حق بس مو كل محاضره .. علوا قلبي حتى انا زيكم وبيتي بعيد اخرج 3 اوصل البيت 4ونص .. بس في ادب مع الاستاذة خصوصاً اذا كانت محترمه رغبات البنات وسمحت لهم كم مره.. المشاكل اللي تواجهه الطلاب :. (ما اقدر احدد ايش هي بالضبط بس اللي لاحظته واستنتجتة عن طريق منتدنا الغالي.. مشكلتين فقط..) 1/التدخين.. 2/مواقف السيارات .. والباقي ان شاء الله الاخوان ما يقصرون ويوضحونها لكم.. المشاكل المشتركة :. 1/كلاااام الطلبة .. لا تاخذوا علية ابداءً اللي جاب درجات حلوه بيقول مرررره حلوه السنه التحضيري.. واللي ما جاب حيجلس يحطم فيكم .. تبغوا تسالوا اسألوا شخص نسبته عاليه عشان تاخذوا الكلام الاكيد.. 2/عدم القدرة على تنظيم الوقت .. على الترم الثاني كان في بنات ماعندهم انقلش فحولوا شعبهم وصاروا يداومون 3 ايام او يومين في الاسبوع .. في البداية انبسطوا انهم حيقدروا يذاكرون .. لكن لما اسألهم يقولون ماذاكرنا شئ .. كسلنا عشان يوم دوام ويوم نوم .. في الاول والاخير الموضوع راجع للشخص ينظم وقته ويستفيد منه.. 3/نجي للأحياء ..خليني احكيكم حكاية الاحياء .. هذه مادة خفيفه لطيفة ظريفة.. من دفعه 09 اللي هم اول دفعه تحضيري الى دفعة العام (دفعة 11) كان لهم نظام سئ في هذه المادة.. كان حاجة اسمها بنك الأسئلة يحفظوا تقريبا 1000 سؤال وفي الاختبار يجيهم منها بالنص.. فكان الشعب اللطيف ما يحضروا المحاضرات حقت الاحياء يعني مايدرون المنهج عن ايش يتكلم (اكيد مو كلهم بس الاغلبية ).. وينزل لهم التست بانك قبل الاختبار بفتره قصيرة.. فوق انهم مو فاهمين شئ عندهم الف سؤال يتذاكر في يوم ونص وبالانقلش .. يعني تعذيب حتى في بنات لما سألتهم كيف كانوا يذاكروا يقولوا كنا نحفظها بالشكل يعني اذا جاء السؤال في هذه الكلمه الجواب كذا .. كانوا مبسوطين فيها .. لكن انكبوا في الطــــــــــب .. فصاروا الدكاتره اللي هناك يستغربون كيف نجحوا من التحضيري وهم مايعرفوا الاشياء الاساسية اللي المفروض أي طالب درس احياء 110 لازم يعرفها .. صار اجتماع مع الدفع اللي قبلنا .. وقالوا ان اكثر شئ نكبهم هو التست بانك.. فقرروا يشيلوه .. واحنا الدفعة المحضوضة بهذا الشئ .. واللي بعدنا طبعاً .. التعديلات اللي صارت.. انلغى نظام بنك الاسئلة .. وصار مذاكره عادي من عروض البوربونت والجزئية اللي نختبر فيها ماترجع معنا في النهائي .. المشكلة الناس كانت معتمدة ان في التست بانك .. فما ذاكروا اول بأول.. خرجوا من الاختبار وصاروا يقولون الاسئلة من برى المنهج و مره صعب.. جابوا لي رعـــــــــــــــب من احياء من قبل ما ادرسه.. على اني احب الاحياء .. لما اخذت الاحياء الترم الثاني .. كان الوضع جداً غير عااادي تذاكري يمكن تتعبوا في البداية عشان اللغة بس بعدين يصير مايحتاج تطالعوا للترجمة او حتى تعرفي معنى المصطلح بالعربي.. ماشاء الله كثير جابوا +A و A ... من اللحين لاتاخذون على كلام الطلبة لان اغلبة مو صح جرب بنفسك واحكم.. بعد ما اختبرنا .. قابلت وحده من اللي كانوا يقولون الاحياء صعب.. سالتني كيف قلت لها مرره حلو وسهل بس انتم ارعبتونا بزياده .. قالت ايوه اللي يذاكر يشوفة سهل بس انا ما كنت اذاكر .. هي قالت بنفسها بس كانو يضخموا لنا الموضوع على الفاضي .. للمره الالف لاتاخذوا كلام من احد ..

♥لا أحد يرد لين اخلص ♥