[my decision & choice]

المشاركة الأصلية كتبت بواسطة طالب جامعي ب بخصوص الإنجليزي خلي نقطة مهمة في بالك ترا دراستك للأربع سنين ما راح تخليك خبير او تتكلم بطلاقة وكثير تخرجو من هذا القسم ومستواهم يعتبر متوسط وإلي كان ممتاز هذا بسبب إما سفرو للخارج او ممارستو اللغة قبل أن يدخل التخصص ، طبعاً تخصص الإنجليزي المفترض أصلا تدخله وانت لغتك ممتازه لأنهم مايدرسوك اللغة بمستوياتها ولكن يدرسو أدب اللغة القصص والأحدث التاريخية وغيرها من الأمور أضف إلى ذلك أن الشركات لا تعتمد في اللغة على الشهادة بل تعتمد على أداء الشخص في اللغة من خلال الكلام معه وحتى لو ما كان معاه شهادة و يتكلم لغة يعتبر أفضل من الشهادة والعكس تماما لو كان يملك شهادة وما يقدر يتكلم ما راح تفيدو الشهادة بشيء، غير كذا شهادتها ما تأهلك حتى للتدريس لازم تأخذ بعدها دبلوم تربوي ، بإمكانك تعلم اللغة من خلال المعاهد العالمية او السفر للخارج وأمرها بسيط بخصوص تخصص علم النفس للأسف عندنا هنا الشركات والمؤسسات ما تفهملوا بالخارج يتعبر من التخصصات المهمة والعريقة ومو أي شخص يقدر يدخلو، موادو تجمع بين الحفظ والفهم وفي تشابك ببعض المواد لكن لو وجدت الرغبة حتكون سهله واعرف شخص مستواه متدني دخل التخصص واتخرج، لكن مجالات عملو في الجوانب الصحية ومرافقها أو في البرامج والجمعيات الإجتماعية أو مصحات علاج الإدمان أو في بعض الشركات بيستفيدو منها في خدمة العملاء ومن وجهة نظري لو أنا مخير بين الأمرين الإنجليزي وعلم النفس اختار علم النفس لأن الإنجليزي أقدر أخذوا بدوره ويعتبر كأني أخذتهم الإثنين ، لكن دائما اختار الشيء إلى أنتا ترغبو وتحبو ومستعد تعمل وتضحي بأي شيء عشان تأخذو مهما كان التخصص لأن الشيء إلى تحبو حتبدع فيه طبعاً لا انسى ان اشير إلى التخصصات الإدارية وعلى رأسها الموارد البشرية جميع المؤسسات والشركات تبحث عن مثل هذا التخصص لو رافقه خبرات وشهادات جانبيه

شكرا كثيير اخوي كلامك افادني كثير
وانا كنت افكر بنفس وجهة نظرك إني أدرس علم نفس وبعدين اقوي لغتي الانجليزي بدورات
وكنت مصممه على علم نفس وقلت لو فتحت التخصصات باختار علم النفس وانا مغمضة
لكن صارت شغلات ومواقف خلتني ارجع افكر وبديت في حيرتي
ومنها اختي انه ماله مجالات مفتوحة كثير وكلام غير هذا
ونصحتني في الانجليزي انه له مجالات مفتوحة وانه بيغير حاجات كثير في حياتي الخ....
___
مازلت بحاجة اني اشوف أراء أكثر
في انتظار اراء وردود الباقين