انا برأيي الصدق
الامانة من جد احس شبه معدومة مو يعني ما في امينين
و اكبر دليل المدرسين لمن يحذف اخر درسيين من الكتاب و لمن تجي السنة اللي بعدها تلاقي في دروس معتمدة على الدروس اللي انحذفت السنة اللي راحت <<< صارت لي في الفيزيا و لمن نقول للاستاذة تقول مو مسؤولة عن الدروس اللي ما انشرحت
و لا لمن تجي تختبر تحصيلي اغلب الاسئلة تلاقيها من كتاب الاحياء اللي اخدناه في اسبوعين <<< دي صارتلي في الاختبار طبعا اخدناه في اسبوعين لانو ما عندهم مدرسين
و لو في امانة ما كان لقيتي اوراقك اهملت <<< زي ما صار لبسمة السناري
اما بالنسبة لصلة الرحم في و موجودة بس ما ادري كيف اقول لك يعني راحوا عند بعض زيارة و في المجلس كل واحد جالس على جواله اسألكم بالله وش الفايدة من الزيارة
و الحياء انا برأيي موجود و بنات السعودية مو منحرفين بس للاسف في اشكال للحريم في الاسواق و الله ضميري يقول وش تحس فيه هيا جاية السوق كدا ؟؟؟
و سلامتكم