تبغي نصيحتي ورأيي
الله سبحانه أختارلك الخير ... عارفه ليش؟
لأنك ماناقشتي الأربعاء ...بجد مع كثر البنات والحر وزحمة الغرفه والتنافس كل مين يبغى يخلص بجد ماكا اخذت الدكتوره راحتها بالمناقشه معاكم .
أنا تعبت في البحث وشاربته شرب فهم وتفاعل غير هذا الارهاق والتعب اللي بذلته من دون المجموعه يعني تقريبا انا اللي سويت 80 % من البحث والباقي 20% ساعدت فيه وعدلته ووصل فيه الحال اني كنت على وشك اترقد في المستشفى بسبب الضغط غير ان البحث اثر على مستوايا في بقية المواد .
والدكتوره شايفه وعارفه تعبي وتشهد بكذا ... ووالله اني استحق ال95
لكن اخذت اقل مما استحق .
نصيحتي انه فرج من الله وجاك تقدري تروحي الجامعه وتتفاهمي معاهم وتطلبي انهم يغيروا الاستاذه وتناقشك استاذه ثانيه وانصحك بالدكتوره زيزي السيد .. كبديل .
وبعدين الحق ينقال ... انا كنت موجوده ونادوا على البنات وانتظرت الاستاذه الى اخر لحظه عشان تجوا وانتم اتأخرتوا وماجيتوا .
كان في مجموعه غيركم اتأخروا وانكتب تأجيل مناقشتهم لكنهم جو بأخر لحظه وناقشتهم.
وبعدين الدكتوره كانوا يطالبوها تعجل بالدرجات قدامي أنا شفت بعيني جاتها السكرتيره وطالبتنها ووعدتها انها تعطيها فورا اول ماتخلص كل المناقشه كل يوم بيومه فورا.
حتى يوم الأربعاء جوها وخاطبوها على اللي أتاخروا عشان تسلمهم الدراجات ( قالتلهم ايش أسويلهم شوفت عينكم يعني ايش أحطلهم ؟؟؟؟ أنا بنفسي محتاره ...)
وكانت حريصه ماتحطلكم f ولا حبت تعطيكم درجات من عندها تظلمكم .
انا يومين جيت وشايفتهم وهم يستعجلوها ... طيب هي ايش تسوي في ذا الموقف وهي اخر يوم لها للانتساب يوم الأربعاء وهي اخر ايامها في الجامعه تقاعد؟؟؟
يعني العدل مطلوب ... والله لو ماشفت بعيني ماكان قلت أبد هذا الكلام ... وللعلم انا زعلانه بسبب درجتي لكن اقول من باب الانصاف .
وكمان اللي خفف زعلي اني استاهل اللي جاني لأنه جاتني الفرصه اسوي البحث لوحدي وانا اتراجعت عشان المجموعه وفي النهاية جا على راسي انا والدكتوره صراحه ماقصرت معايا واتحملتني انا ومجموعتي وهم الله المستعان تأخير واهمال الا وحده كانت تبذل جهدها .
خذي مني روحي الاداره واطلبي الدكتوره زيزي تناقشكم ما اعتقد بيرفضوا لأنهم يبغوا بأي طريقه تتخرجوا .