[coOola]

بسم الله الرحمن الرحيم ..

أسعد الله أوقاتكم بـ ما تطيب به أنفسكم ..

قررت أنور لكم القسم بمووضوع إن شاء الله إنه يغير أجواء الهواشات حقتكم

مرة من المرات نسالف أنا وجودا .. فسالفة ورى سالفة ورى سالفة < نسالف من سوولف يسولف فهو مسولف
المهم وحدة من خلق الله لفتتنا لمووضوع ..فقررنا نسولف فيه ..

بعد سالفتنا الموقرة قررت أجي وآخذ منكم آراءكم .. لأنها كذا أو كذا تبي تنفعن !

فـ سسيدة نروح لـ فحوى الموضووع < قسسم يا فحوى ذي يا إن لها وحششة بـ الحيل

بعض البنات الله يهدينا وياهن .. دبلوا كبدي
معتبرين الرجل الشيء المقدس الذي لا غنى لها عنه .. رابطة نفسها و مستقبلها وحياتها و ما تقدم بها و ما تأخر بالرجل !!

الرجل كـ أب, أخ, خال, عم.. ما نقدر نستغني عنه أبدا ,, وإن ابتلانا الله بـ فقد أحدهم شفنا من الدنيا مرارة وألم فنصبر ونحتسب – الله لا يوري أحد مكروه في غاليه -

أنا هنا أتكلم عن الرجل كـ حبيب أو زوج .. علما بأنالحب خارج إطار النقاش

بعض بنات هـ اليومين طايرات طيرة ميب صاحية ,,تحس نفسها ناقصها شيء لو ما حبت لها أحد ..
وإذا عدت فترة و ماتزوجت تقلب الدنيا فوق تحت ..تجيني عمرها 25 سنة و تقول لي عانس و و و !!
عجيب أمرهم.. اللي أعرفه أنا إنه يفترض حاليا و في وقتنا الراهن البنت تبني لها حلم وتخليه واقع .. تستقل بـ ذاتها ونفسها في حدود المشروع .. بـ الإضافة إلى أنه لازم تكون واعية و مثقفة وتفكيرها راقي .. بعد ما يصير عندها الثبات و البنية التحتية السليمة ذييك الساعة تلتفت للزواج

بس اللي شايفينه حنا البنات همهم آخر صيحات الموضة وش ألبس وما أبي نفس لبسي يتكرر أو ما أبي أحد يلبس مثلي ..
ولازم يكون عندها كل توافه الحياة .. من آخر جوال و سماعات بي إلى لون التيفاني في كل شيء وأضف عليه اللبس الغالي و العطر الاغلى و المكياج اللي ما أدري وش شكله كأنها مصاصة دماء أو كأنها مضيعة عرس وخاشة الجامعة وما كان خارج أسوار الجامعة كان أنكى !! وما أنسى الفراغ الفكري و قلة الترتيب و الانتظام في كل شيء ..
اللي أعرفه إن الزوج موبأساسي في حياة المرأة بينما من الضروري وجود زوجة في حياة الرجل ..

فـ اللي عندي هو < أو محاور النقاش هي :

- رأيكم في الحكي أعلاه !!
- هل عندكم إضافة أو تعقيب !!
- إذا كان هناك من الفتيات من يعارض كلامي أفيديني مشكورة ربما كنتُ على خطأ
كما نتقبل النقد البناء و الحوار الهادف .. و لا نرجو منكم الخروج عن صلب الموضوع و إلا تم التبليغ والمطالبة بـ حذف الرد وشكرا < يا قووي < بـ الله ما أخوف

ودمتم في رعااية الوالي .. !