رد: [أشيـــــرو عَلــــي فـأنا بضيــــاع كبيـــــر]
اخواني اخواتي
اشكركم جزيل الشكر على ماقلتوه لأجلي بمساعدتكم الجليله التي لن انسى مَن فزع لي منكم فقد سجلتكم بقائمة الأوفياء الذين اتطلع لخدمتهم ومساعدتهم والوقوف بجانبهم بالفرح والمسرات بإذن الله
واسعدتني تعليقاتكم المرحه :)
الله لايحرمني منكم
//
اخ/تركي بن بندر
عذرك مقبول يااخوي وامثالك ماتجي منهم النقاصه وانشهد لاضاق الدنيا على احدٍ منا يتجلى دورك
العظيم .. فشكراً جزيلاً لك
//
الاخت الرائعه
كلامك اللي قلتيه شرح صدري واسعدني وبالنسبه لبحثك عني للتعرف عَلي شخصياً والله انه يشرفني ويسعدني ..
لكن بقولك قصه صغيره صارت لي بسبتها عزفت عن معرفة احد وانتِ افهمي المقصود بدون حساسيه ..
رجاءاً لاتزعلين انتِ غاليه على قلبي :)
بأول ترم دراسي لي بالجامعه(السنه التحضيريه) كنت ادرس مع قروب على النت وكان
القروب يحتوي على جميع طلبة التحضيري لدفعتي شباب وبنات ..
وتعرفت على بنات كثير وكنا نتكلم بالجوال بعد وتواعدنا نشوف بعضنا بالجامعه وقت
الاختبارات وفعلاً جات الأيام وشفنا بعض(وهنا كانت الصدمه)!!!!
كانوا بعضهن (بويات) وبعضهن(منحلات خُلقياً)وبعضهن(اشرف من الشرف ومطوعات)
اتأذيت من البويات وكنت اتعرض لمواقف مااستطيع اذكرها بيني وبيني لدرجة اني اشتكيتهن على شؤون الطلبه ومع ذلك مافكوني من شرهن ويبوني!! وكنت يومياً اخاف اروح الجامعه عشان مااشوفهن لدرجة اني اطلع لاخوي ابكي من الرعب والله على مااقول شهيد
اما المنحلات فماكنت اطيق اشوف انحرافهن واستمر بمعرفتهن فبدأت بالانسحاب منهن
ونذرت بالله مايجزي قسمي كفاره ولا غيره اني مااتعرف شخصياً ع اي احد بالجامعه (مع
العلم ان في بنات ملتزمات لكن خلاص نفسي طابت من الكل)
في الترم الثاني غيرت القروب ورحت لناس غير ومحترمين وحبيتهن من قلبي..
ونفس الشي يبون يتعرفن علي شخصي ومقابله بالجامعه!
انا يشهد الله اني تمنيت اعرفهن شخصياً لكن براً بيميني ماقابلتهن وارسلت خويتي معاي من القصيم وتدرس معنا بنفس التخصص وبالجامعه لمقابلتهن
وهي منتحله شخصيتي .. وصرت انا بشخصيتي الحقيقيه معهن ع النت وزميلتي بالمقابلات..
لدرجة وحده من الاخوات ارسلت لي بالمنتدى تقول:انتِ فلانه ؟؟ (تذكر اسم زميلتي )
واقولها: لا
لان هذا الحقيقه .. وزميلتي الآن تعبت من الموقف اللي انحطت فيه عشاني واسمحت لي اذكر القصه لانها انسحبت من الموضوع وانا اعفيتها
انا ادري انه تصرف غير سليم مني وابيهن يسامحني ..
لكني بريت بيميني و لاني خايفه على نفسي سويت هالغلط!!
انتِ يشهد الله اتطلع لمعرفتك واتشرف بها ..
لكن لعلي اتناسى ماحدث لي واستفتي شيخ واتعرف بك قبل تخرجي بإذن الله..
وراح اوريكِ بطاقتي الجامعيه (كإثبات)
ودي وتقديري لشخصك الكريم
|