رد: [أشيـــــرو عَلــــي فـأنا بضيــــاع كبيـــــر]
عظم الله اجركم واحسن عزاءكم وغفر لميتكم
إنا لله وإنا إليه راجعون
سلامة خاطرك حبيبتي سكون الله يجبر كسره ويلهمك واهلك الصبر والسلوان
عزيزتي أدري صعب أقلك تتناسي الموضوع بس حاولي تغيري الأجواء اللي تخليك متعلقة داخل هذي الدائرة
ذكراها والم فراقها الله يغفر لها ويرحمها ويسكنها فسيح جناته
ذكري نفسك ان الطريق هذا كلنا له كل مافي الموضوع هي سبقتنا إليه ونحن لاحقين لها
هي راحت لرب رحيم أرحم مني ومنك عنده كل خير وكل فضل وكل رحمة وعفو
اللي تحتاجه منك الأن الدعاء فقط والصدقة الجارية ولا شي اكثر من ذلك
يعني حبيبتي ساعدي نفسك في الخروج من هذا الوضع لأن ماراح يغير في الواقع شي
الحمد لله على ماكتب إسأليه يعطيك من الإيمان اللي يوقفك ويرجعك لسكون اللي نعرفها قوية وثابته ومجتهده ماشالله
عليك << صدقيني المسأله كلها مسألة وقت بس انتي لا تفكري كثير في اللي صار
حاولي ترجعي اكثر للمنتدى يمكن يرجعك لجو الدراسة ثاني ويلهيك شوي عن جو الحزن عندك
بعد فترة إنت تقدري تقرري إذا تقدري تكملي أو لا
معدلك وتخرجك بنتيجة ترضيك هذا شي مطلوب وحرام تضيعي تعب سنين في مثل هذي الظروف
ابدي بمذاكرة المواد الخفيفة والمفهومة إن شالله تقسميها على أيام فوق ما تحتاج << المهم ترجع لك روح العطاء
وشوي شوي راح تدخلي في الجد وراح تعطي أكثر
واحنا أكيد راح نتابعك على طول ونسأل عنك لاتنقطعي عن المنتدى حاولي تشيكي على طول شوفي البنات اللي
معاك بنفس المستوى والمواد وابدوا مع بعض راح ترتبطي وتتحمسي إن شالله
انت قدها وأكيد تعرفي انها وقت وتعدي ، طالعي حولك وشوفي كم شخص مر باللي مريتي فيه أو أكبر منه
كيف كان حاله وكيف هو اليوم ؟؟
إن شالله قدامك وقت
ربك معاك وماراح يتركك أبدا
فكري واستخيري وقرري بمعية الله وربي يوفقك ويفتح عليك ويلهمك الصواب يارب
مو يوم انت قلتِ لي اني احلى أخصائية نفسية ؟؟
أنا قلت خلاص انا اخصائية وإنت مرجعي لو احتجت << شدي حيلك كثييييييييييييير حولك محتاجينك
وبالتوفيق لك وأسأل الله أن يملأ قلبك بالإيمان ويلهمك الصواب والسداد في الرأي
ويعيدك الى ذاتك الرائعة ثم يعيدك إلينا ثانية
|