منتديات سكاو - عرض مشاركة واحدة - ~ ♥ ~ [ ومَا كَان اللهُ مُعــذّبَهُمْ وَهُـــمْ يَسْــتغفِرونَ ] ~ ♥ ~

الصقر 02 · 08-03-2012, 11:07 PM

السلام عليكم ورحمة الله وبركاته

مسّاكم الله بالخير

اليوم خميس وانا مروّق ولذلك بأفضفض عن شيء
أتمنى ما يقراه الا اللي مروّق مثلي

ببدأ على طول :

الحين اذا جيت اكنس البيت هذا شيء جميل
وكذلك اذا جيت اكوي ثيابي

ولكن اذا جيت انظّف مكتبة المجلس قسم بالله احس اني جالس اتعذب
عذاب نفسي بجد

وش تشيل وش تخلّي عشان تنظف اللي تحته

واذا جت الوالده الله يحفظها توزع الشغل وقالت يا ولد روح سو [ كذا كذا ]
اكون في قمة الفرحه اذا كان [ كذا كذا ] غير تنظيف المكتبه

حاولت احبّ هالشغله لكن ما قدرت
لذلك أعانني الله واياكم على هالمكاتب

ــــــــــــــــــــــ

بالنسبة لكيّ الثياب
إذا جيت اكوي الثوب اجلس تقريبا نص ساعه وانا افحّط فيه
الوالده الله يحفظها تقول " وش تسوي فيه يا ولد "
ما ابغى اشوف ولا عطفه في الثوب

مرتين بس اللي كويت فيها ثيابي في خلال دقيقه وحده
لأني أول ما أبدأ اكويها تنكمش عليّ < تنحرق خخخخ

عاد اذا انحرق الثوب اتلفت يمينا وشمالا واذا ما شفت احد رحت حطيته في الدولاب
وكأن شيء لم يكن

ـــــــــــــــــــــ

بالنسبة لكيّ الشماغ

يعتبر عندي مثل الرياضيات

طريقة كيّه صعبه
والمشكلة انّي أتعلم كيف اكويه واحس انّي خلاص فهمت الشغله
واذا جيت اكويه مره ثانيه اعجن ام الشغله

لذلك نستعين بالوالده والوالده الله يطول بعمرها ما تقصّر

انتهت فضفضة هالخميس
وشكرا لانصاتكم