[Aishah AL-farhah]

يا هلا والله بكل الزعماء والزعيمات
يمكن تستغربون ليه أكتب عامي مع إني اعتدت الكتابة بالفصيح
بس بدأت أحس إن للفصيح مقام وللعامي مقام ، والعبرة بفهم العبارة بأي لغة كانت
ولأن العامي أحس أنه ينقل الإحساس ببساطة لذلك اخترته لأن يكون وسيلة تواصلي
وتفاعلي مع زعيمات وزعماء الرابطة

المشاركة الأصلية كتبت بواسطة الوردة الموفية وَ عليكم السلام ورحمة الله وبركاته .. آما عااد .. تدررين دووبي أدري إنك سفيررة .. وأنا أقوول وين اختفت البنت يا هلا والله وغلا بـ جد نتشررف فيكي .. تدووم أيآآمك و تعااالي دآآيماً ..

شفتِ عاد طلعت عائشة هي سفيرة سابقا ولا اختفت ولا شيء بس مدري وش طرالها تغيّر المعرف < تراها كذابة عندها سبب محدد بس ماتبي تقوله

هلا فيك والله يبقيك يالغلا الشرف كل الشرف لي بوجودك

المشاركة الأصلية كتبت بواسطة الوردة الموفية .. انتقل الى رحمة الله والد خالد عزيز( لاعب الهلال السابق ) ونسأل الله أن يسكنه فسيح جناته .. يرحمه رحمه واسعة ويجعل قبرهـ روضة من رياض الجنة

رحمة الله عليه نسأل الله أن يشمله ويشملنا برحمته التي وسعت كل شيء

المشاركة الأصلية كتبت بواسطة نواف القصيم وعليكم السلام ورحمه الله وبركاته... حياكـ الله يا أخت سفيره معرفك الجديد عجزت أعرفه <<<فاشل بالأنقلش بدت رابطتنا تتوهج بنجوم لهم ثقلهم بالمنتدى ولا يهون بقية الزعماء السابقين والزعيمات أيضاً... دامت أفراحك بالمسرات

الله يبقيك ويخليك يا أخوي
وإذا عن الإنجليزي ما أظن فيه أحد أفشل مني ، واخترته بالاإنجليزي رغم إني ما أحب المعرفات بالإنجليزي لحاجة في نفس يعقوب
وهو عائشة آل فرحة ، لا يغركم ترى مابه فرحة ولاهم يحزنون ماغير يتهاوشون ربعنا من يوم فتحت عيوني الله يصلحهم
تدوم عليك الأفراح

المشاركة الأصلية كتبت بواسطة مصره على قراري لحظه لو سمحتوا .... ترى انا من سته الفجر امس مو نايمه يعني راعوا الفصله الي تصير بالمخ مع هالحاله هذي سفيره ولا انا حششت من قلت النوم..؟ عموما بصري يقول ( استريحي هي مافي كلام) وبصيرتي تقول( انا في اجازه يرحم ابوك بنام) زعماء زعيمات ... ابي اعتراف خطي وصريح ان وجودي بأي مكان يميزه ويجذب كل المميزين له << استريحي هلا والله بالزعيمه السريه بس جيتي جابت الخير وبان الخافي وانا اقول ليه بينا كونكتنق دايما طلعتي هلاليه الميووول..! منوره يا الغلا ....

إي والله إنها أنا بكبري وبشحمي ولحمي
صراحة تحمست زووود يوم شفتك بالرابطة ولايهونون بقية الأخوان والأخوات بس إنت غييير < شكلها بتنطرد شر طردة من الرابطة من قِبل الأعضاء القدامى

بس للأماااانة ألاحظ إن الأعضاء والعضوات الهلاليين لهم نكهة خاصة ومميزة مدري هو حقيقة وواقع وإلا عشانهم هلاليين وأنا أقدرهم زود وأشوف كل شيء منهم حلو ومقبول وجميل وحسن ومستساغ < أخلصي

عموما أنتِ منورة ونورك غطى على نور الجميع يالغلا

المشاركة الأصلية كتبت بواسطة موت اهواك وعليكم آلسلآم ورحمة آلله وبركآته .. تشرفينآ أختي .. سفيرهـ .. في اي وقت وفي اي زمآن .. أنآ شفتك دخلتي قبل فترهـ بس قلت أنك محآيده .. منوورهـ آلرآإأبطة يـ زعيييييييييييييمه ..

الشرف لي بوجودكي بينكم
والنور نوركم والله أخوي

المشاركة الأصلية كتبت بواسطة الصقر 02 عليكم السلام ورحمة الله وبركاته أخت و زعيمه وننسى وجودها لا أبدا ما هي هي والله وهذا واجبك يا طويلة العمر ومن ثم وهنا العشاء - اقلطوا حياكم الله على اليُسر وهذا الحلى بعد المفاطيح ومن ثم وأسفرت السفيره وعاشت عائشه جت متأخره ولكن العذر و السموحه وما يحتاج تقولين انك هلاليه فالهلالي واضح من عنوانه ونتشرف بتواجد أمثالك بيننا [ لا أخفيكم بأني بدأت أحن الى الموجود في الصور وخصوصا هذا اللي متمدد فوق الصحن ]

والله إنك راعي مواجيب يالنشمي وش ذا السفرة الي جوعتني وأنا شبعانة
ولاهي متأخرة ولا شيء جت بوقتها ، أنا الي تأخرت
الله يبقيك ويخليك الشرف لي بوجودي بينكم

إيه صح نسيت ، مبروووووك على الإشراف وهو أقل من حقك والله تستاااهل يالصقر


الله يبقيكم ويخليكم جميعا ، سعيدة بوجودي بينكم والله
أختكم عائشة الهلالية قلبا وقالبا