[BedoO]

شهودة اسم كتاب مادة الاحياء 202مقدمة علم الحياة (الجزء التاني) المادة تنقسم لقسمين قسم الحيوان مع د/ ابتسام باوزير والقسم التاني قسم النبات مع د/ فاطمة عطرجي المادة حلوة وسهلة اجمالا
ولكن بالتفصيل قسم الحيوان سهل بس الحفظ فيه مررة كتير بس مع د/ابتسام مرة تسهل كل شي شرحها جدا رائع وممتع وتعاملها مرة حلو وأخلاقها عالية وتعطي درجتين على النشاط اللي هو عبارة عن عرض بوربوينت عادي تدخلي بعدها في المحاضرة بس ماتتاخري كتير اسئلتها سهلة تتنوع بين المقالي والموضوعي وتاشر في بعض الفصول وبعضها لا
وبالنسبة لقسم النبات جزئيته مرة قليلة وحلوة وسهههلة ود/فاطمة تاشر بعد نهاية كل فصل واسئلتها سهلة وكلها مقالية تحب الكلام الكتير بس اهم شي في الاجابات اذا كانت الاجابة من فهمك تكون اجابة صحيحة يعني توصليلها المعلومة اللي هي تبغاها وتعاملها حلو مع البنات عادي البنات يدخلو بعدها في المحاضرة بس مرة وحدة عصبت وقالت ماتبغى احد يدخل بعدها
والمعمل حق المادة مررة سهل اسبوع تاخدي معمل حيوان والاسبوع التاني تاخدي معمل نبات معمل الحيوان اللي تاخديه فيه من الفصول بعضها ماتخديها في النظري وبعضها تاخديها في النظري بس يكون جزئية المعمل محذوفة وفيه كم تجربة بس ماتدخل في الاختبار وبالنسبة لمعمل النبات تاخدي نفس جزئية النظري وعليها زيادة جزئية بسيطة في نفس الفصول حقت النظري
وتوزيع الدرجات كانت 20 لقسم الحيوان و20 لقسم النبات كانت عبارة عن دوريات اولى وتانية و20 للمعمل و40 للنهائي
وبس كاني اتكلمت كتيييير ^ـ^
ان شاء الله اكون افدتك ياعسل وطمنتك من ناحية المادة