[الملاك الأبيض]

اختي احساس انثى بما انك طرحتي موضوعك فأنا سوف اعطيك رأيي المتواضع واعلمي انو مهما قلت انا وباقي الاعضاء اعلمي انو في النهاية الامر مرده لك وهذا مستقبلك وحياتك والزواج هذا قرار للعمر فلازم تفكري فيه من كل الجوانب , بالنسبة لأن ابن عمك يحبك وتواصلتي معاه هذا مو عيب والحب مو عيب بس برضو الاصول اصول واذا كان يحبك يبقى الكرة في ملعبه ومفروض انو يكلم اهله ويجي يخطبك مو ينتظر الموافقة منك على المسجات لأنه وقت الخطوبة يكون الرد وليس الان , ثانيا حتى لو كان في ديرة بعيدة كفاية انو قريبك ومن اهلكم واذا كان يحبك وشاريك واخلاقه زينة فهذا مايتفرط فيه , واذا كان على الدراسة اشترطي عليه تكملي وممكن تملكو وبعدين الزواج بعد ماتخلصي او يتم الزواج وتنتقلي لجامعة ثانية في بلده ,وتتفقي معاه تشوفي اهلك كل فترة واكيد مابيقطعك عنهم خصوصا انو قريبك وحاسس بيك , وياما بنات تزوجوا بعيد عن اهلهم وهم عايشين بهنا وسعادة يعني مو شرط الوحدة تسكن جنب اهلها وتزورهم كل يوم اصلا قليل الي كذا , الوحدة تروح مع زوجها على حسب ظروفه وصدقيني اذا كان صالح وفيه خير يصير هو ابوك واخوك واهلك وكل شي والاهم انو مستحيل يقطعك عن اهلك , واعرف كثير بنات كذا هي في اولها صعبة بس شوي شوي راح تتعودي وكمان زيارات كل سنة او كل كم شهر راح تخفف عنك ولاتنسي هالايام بالتليفونات والنت والاي بود صار كله قريب يعني ممكن تشوفي اهلك فيديو كل ماشتقتي لهم كأنك معهم وتزوريهم كل ماسنحت لك الفرصة
واولا واخيرا صلي استخارة واستخيري ربك مرة واثنين وثلاث واذا كنتي من النوع القريب لامك احكي لها واخذي رايها , وخلي اهله يجوا ويخطبوك رسمي وباذن الله كل شي بينحل ويتيسر , ربي ييسر لك الخير ويسعدك