[البستان]

السلام عليكم ...
أول شئ .. أنا سعيد جدا ... لمّن ألاقي أحد بيستشير و ما ينفرد برأيه ...
,,,,

قبل كل حاجة و أهم حاجة إنك تستخيري و تدعي ربنا قد ما تقدري .. إنو يختار لك الخير ...
,,
خلينا أبدأ لك .. بالمقلوب ...
أنا لو كنت بنت و كنت مكانك ... كان صليت استخارة و رحت لولد عمتي ...
و السبب إنو الآدمي شاريكي ... و طالما هناك قبول منك و منه ... و ما في أي مانع من الطرفين غير إنك هتسيبي بلدك ... إذن إيش المشكلة ؟

شوفي .. أنا ما اعرف شخصيتك و مااعرف لو تقدري تتغربي عن أهلك ... و ما أعرف لو هو يقدر يجي السعودية و يسيب الكويت ... المهم إنو واحد فيكم لازم يتنازل في الموضوع هذا ... إنتي أو هو .. ما تفرق ....
لو جينا لك ...
و فرضنا إنو ولد عمتك في الشرقية بدل الكويت .. هترضي ..؟
إيش الكويت و إيش الشرقية ما في فرق ...
أنا ما أبغى أرغبك في الموضوع ...أو أبغّضك منه ...
,,,,
في النهاية .. أنا ماشفت إنو في مشكلة .. غير البلد ...
,,,
كلمي عمتك ... قوليلها ... خليها يجوا يطلبوكي رسمي ... و يشوفك الشوفة الشرعية ...لعله يُؤدم بينكما ...
شوفي أخلاقه طريقة تعامله ... و خلّي موضوع الغربة على جنب ... أول شئ خليه يتقدم ...
و لازم تحطي عمتك بالصورة ... هذا أهم شي ...
و إنت سعودية ... يعني أكيد عمتك سعودية و متزوجة كويتي .. فأكيد مرت بنفس التجربة ...
اسأليها ... و شوفي إيش تقول لك ...
عموما ... الله يوفقك و ييسر لك ... اللي فيه الخير لكِ ,,, و لاتنسي الدعاء و الاستخارة ...