رد: شمل قبايل بني صعلوك
ون .. تو ... ثري
ون .. تو ... ثري
تيست
تيست
تيست
ايوه الحين المايك تمام
ايوه تمام يا باشا
السلام عليكم
انا مدري وش اللي صايبن العالم عندنا .. < يحلفون إنّها مقدمة خيالية خخخخخ
وعليكم السلام ورحمة الله وبركاته
الله يستر وش صايبهم
لقد كثُر المتصرمحون والمتسربتون والمتصعلكون
وبحكم إني خليفة حارتنا وما جاورها من الولايات الإسلامية
افكّر إني أخطب يوم الجمعة هذا .. خطبة عصماء أورد فيها
إني أرى رؤساً قد كرشّت و قد حان وقت تفطيحها < الخليفة على حارته جياع !
ولكن أبي شوركم بعد ما سيتم تفصيله في هاللي جاي /
ابشر بالمشوره بس بعد ما نسمع نوع الهرج وبعدها نحكم
( 1 )
هذا واحد منتهي الله بلاني بمعرفته
يحكي أنّه يوماً ما كان يعمل في أحد مولات ولاية جدّة الإسلامية
وبينما هو منهمك بالعمل داخل هذا المحل النسائي
إذا بزمردة الزمان الكاشفة تنتعل ذلك الكعب ذو الصنع العبّاسي < الاخيرة قوية !
وتوزع الإبتسامات له في كل زاوية من المحل
هالمنتهي يوم شاف خشّتها الحمرا على ذا الحفلة في لبسها
قال أخيراً ابتسم لي الحظ وانرزقنا من محمل الشام طقة شو بدّك أكتر من هيك !
ما يحتاج أقولكم إنّها أخذت رقم ناقته الموبايلية الصنع
تمر الأيام .. وتمر الأيام
وتصير طلعات ومن منتزه لمنتزه ومن كورنيش لأبحر واللي تخبرونه عند الصعاليك
صاحبنا ذا كان بكل طلعة يشوف مع هالبنيّه طقة بنات من قريباتها
اشي بنات أعمامها .. اشي بنات أخوالها .. اشي زوجات قرايبها !!
بالمختصر الشديد .. بنات العائلة كلّهن رايحين فيها العجوز جدّتهم بس اللي سالمه
تطوّر الوضع
وصار مو بس يقابل قريباتها في المنتزهات يوم هو معها
إلا كمان أرحامه بالحرام ( أخويا قريباتها وسلام كيف الحال تشرفّنا )
طبعاً أدري إن للحين الشعب السعودي رافع خشمه يقول مب بناتنا ذول
لكن هونكم هونكم
من ثاني أسبوع للولد بهالعلاقة المحرّمة
اكتشف إن هالبنت وقريباتها من قبايل سعودية عريقة للأسف الشديد
ومن زود الصدمة أبو هالبنت قاضي بمحكمة إستئناف ومعروف لدى الكثير .. !!
من هاللي يناصحون الناس إعلامياً عن فضائل الأخلاق والتقوى !!
ووحده من قريباتها أبوها من أكبر الضبّاط في المحافظة
تم القبض عليها من قبل الهيئة مع صديقها قبل أسبوعين في كوفي
يوم وصلو البنت والولد لقسم الشرطة .. الضبّاط شافوا إسمها وعرفو من هي بنته !
وبقدرة قادرة
قالو للبنت والولد بعد 5 دقايق خلص انقلعوا بيوتكم ..اكتبوا تعهّد و لا تعودونها !
طبعاً يبدو إنهم خافوا من غضب والدها وإستقعاده لهم في العمل
لو ما تكتموا عالسالفة وتشوهت سمعة هالأب ذو القيمة العسكرية الكبيرة في العمل
صعاليك مو ؟ .. كيف الحال ؟
الله يستر من هالسالفه هذي بداية هرجك
بس معذور حبيت توضح اللي الكل متستر ع الثاني فيه
للاسف هالظواهر السيئه انتشرت بكل بلد وفي مجتمعاتنا الخليجيه اكثر
وماننكر ان الانسان اللي ينصح الناس ويخدم مجتمعه دائماً
ينسى اهله ويقول اهما في أمان لأني عطيتهم كل شي وهو فعلاً
وفر المال وصورتهم الحسنه جدام الناس ونسى الجانب العاطفي
اللي يحتاجونه فيه عياله لان يبونه معاهم يسولف معاهم ويتحاور
ويشوف متطلباتهم واهم الشي البنت يروح معاها في كل طلعاتها
لان في هالعصر لابد من المحافظه بس للأسف يحصل العكس
ويصير مثل اللي صار بصديقك الله يبعده عن المعاصي
( 2 )
هذا أحد أصدقائي ضابط في أحد أقسام الشرط بجدة
يحكيني قبل أسبوع عن قصة غريبة عجيبة تم إكتشافها
يقول كان فيه 2 أفراد جنود على دورية شرطة وفرفرة ب ذا الشوارع
يوم من الأيام كانوا يحومون حول أحد الأحواش المهجورة تالي الليل
وبينما يحومون في ذا لقوا سياره داخلها شاب وفتاه في وضع مزري للغاية :/
استقعدوا للشاب بطريقة خبيثة بغرض إنّهم يستفيدون من البنت فقط .. قالو له :
( خل البنت تركب معنا بالدورية وإنت بتجيك دورية ثانية بعد شوي تشيلك !! )
حلوه كلمة استقعدوا له لان مشكلة شباب هالوقت يتجمعون ع الشي اللي في معصيه لله وبعدها يقولون أهي بايعه شرفها الله يستر عليهم
الولد عربجي ما مشت عليه هالسواقه الغبية
قال والله ما تاخذونها وانا اجلس لحالي هنا
إمّا تاخذونا الاثنين .. او بلغوا عالجهاز تجي فرقة دورتين فأكثر تشيلنا
يعني بالعربي خرّب عالفردين مخططهم الخبيث ..
يوم شافوا هالفردين إن مافي أمل بالولد وراسه ناشف ولا يمشي عليه هالنصب
قالو له انت وين تشتغل ؟ قال في مستشفى ..... العسكري
قالو حلو .. خلاص روح انت والبنت الله يستر عليكم !!!!
وإن جيتم هالمخطط كلمونا نأمن لكم الوضع من أخويانا بالدوريات الثانية
لكن بشرط
إن بغينا تقارير طبية فيها ذيك الاجازات اللي وش طولها .. تسويها
قال لهم : تم مالكم إلا أحلى تقارير كمان
تمّت الصفقة الخبيثة وصار لا بغا الحوش يدق عليهم يحرسون له !!!!!
ولا بغوا تقارير طبية خدمهم وما قصر معهم
فيلم اجرامي ما دام فيه صفقات ع المستوى المنحدر اللي يتفقون فيه لانتشار المعصيه للأسف وما دام فيه كل واحد يضبط للثاني الديره بتروح عيالها للأسف والله ودك يزوجون كل زاني وزانيه ما دام طاحوا بأيدي اهل العسكر
وهذا المفروض يصير لان اللي يقسم على امن الوطن لا ينسى يقسم على شرف بناتها
تمر الأيام و تمر الأيام
ويتم تدقيق تقارير الأعذار الطبية للعسكر من ضابط كبير عليهم
ويبان إن هالأثنين أعذارهم كثيييرة وإجازات مو سهلة فـ تم مخاطبة المستشفى بشأنهم
وبحمد الله تم إكتشاف تزوير هالموظف بالمستشفى وتواطؤ هالفردين من الجنود ..
الحمدلله اكتشفوا ومو كل يوم دايمه للعاصي لان يجيله يوم وينكشف في الدنيا ويتعذب بالاخره اذا ما تاب
الله يصلح حالهم
حاميها حراميها
صدقت وياكثرهم عندنا وعندكم
( 3 )
موقف فضيع غريب حصل قدامي ليلة عيد رمضان سنة 2009
كنت أنا و احد اصدقائي رايحين لزميل لنا ساكن في شقة مفروشة
دخلنا للحارة اللي داخلها هالشقق وكانت قريبة من شارع حراء
صديقي طلع لخويّنا اللي بالشقة وانا بقيت تحت بالسيارة
وبينما انا تحت في الشارع .. إلا تدخل الحارة سيارة وتوقف قربي بشكل غريب
فجأه انفتح باب هالسيارة وينزل كائن راكب جنب السايق يبدو إنه عاري !!!
انا بديت أوسوس وأخاف وقلبي ما تطمّن < هيّن يا مرهف الإحساس
خاصةً إن هالكائن وقف جنب جدار وكان يترنح بشكل شديد ويطيح ويسب ويشتم !
قلت يا ولد أفرك عينك لأجل تعرف نوعية هالكائن ووضعه
للأسف الشديد بعد ما فقت من الصدمة اكتشفت ان هالكائن فتاه .. !
طبعاً انا جلست احتري اصحابي ولا نزلت من السيارة اشوف الوضع وافزع
خبركم الحس الأمني عندي مرتفع قلت يمكن السايق عنده سلاح وإلا شي
ماهي ثواني إلا نزل صاحبي وخويّنا الثاني ومجموعة رجال
وركضنا ركض لهالسيارة .. قام السايق يشهر سلاح أبيض يحاول يخوفنا
ولكن هيهات ماهي ثواني إلا أنحاش وتم قنص قزاز سيارته بالحجار من قبلنا
طبعاً التمينا عالبنت ويبدو إنهم كانو مخمورين للأسف وسترنا ع جسدها بأشمغتنا
وتم أخذ رقم لوحة هالسربوت وبلغنا
وانا مشيت مدري وش صار عقب المنظر قررررررفني كرهني ليلة هالعيد
لا حول ولا قوة الا بالله
قلنا يكلمون قلنا يطلعون الله يستر عليهم
بس يوصلون للخمر والعياذ بالله
ليه وش صار بالبلد للهدرجه تأثير الغرب اثر على عيالنا الله يهديهم ويستر عليهم
وطني الحبيب وطني الحبيب ولا احووووب سواهووو
الله يحفظ ديرتكم والوطن ماله مثيل بس الناس اللي فيها يشوهون سمعتها
طبعاًً فيه ( 4 , 5 , 6 , ومليوون بعد )
بس يكفي البثارة اللي تم ذكرها ما ودّي نبثر القارئ أكثر
الله يهديك فيه أكثر وناوي توجع قلبنا بعد الحمدلله انك ما كملت
وعلشان أخلّي لكم مجال جبّار للحوار يا حبايب
اطرح عليكم السؤال الخونفشاري التقليدي العتيق المجيد المتوارث من الأجداد
يا ترى سبب هالإنحرافات البنت وإلا الولد ؟
الله يستر ع الجميع
طبعاً الأسباب كثيره واذا كتبنا لي باجر ما نخلص للأسف
من وجهة نظري أكيد اهم شي التربيه الحسنه ومراقبة الأبناء من بعيد
وخروج الاب او الاخ مع اخته في الاماكن المختلطه
أنا عارفه ان في اهل يربون وبالآخر يتعرفون عيالهم على صحبه سيئه ويقلبون عاداتهم كلها في هالحاله ارى وجود الوازع الديني مهم وهو ان يكون جلوس الاب مع عياله ويسوي جدول أسبوعي لهم يذكر فيها قصص الانبياء ويذكر ان زمنا تغير عن الاول فقد أتت علينا من الغرب اعلام فاسد ومغريات الدنيا ويجب البعد عن ذلك بالذكر والاستغفار وقراءة القران يومياً لانه يساعد الانسان على البعد عن الشبهات ويزيد خوفهم من الله وغض البصر ويرتاح نفسيا الانسانويعيش بسعاده
واعذرني ع الاطاله
لا أحد يشوتني
لا ما نشوتك لأنك وضحت نقطه مهمه وياريت الكل ينتبه لها والله يصلح حال المسلمين ويهديهم
اشكرك اخي على طرحك للموضوع
واتمنى المره الجايه تجيبلنا سالفه تسر الخاطر يا اخوي الله يسعدك
بانتظار جديدك المميز دوماً
تقبل مروري
|