ماشاءالله عليك متحمس من دحين .. الله لا يغير عليك يارب
امممممممم بالنسبه للحاسب واللغه العربيه والثقافه كلها معانا ماحذفو شي منوو من الجلده للجلده على قولتهم
بس ترا في ملخصات هنا في المنتدى مرا راح تفيدك ان شاءالله لاني صراحه استفدت منها خاصه ملخص العربي
والرياضيات حذفولنا فصلين تقريبا بس برضو كان كثيييييير يعني ماكأنهم سوو شي بس الحذف على حسب اللي يدرسك يعني ممكن اشياء حذفولنا هيا دا الترم انتو مايحذفولكم هيا يحذفولكم اشياء تانيه يعني لا تعتمد على اللي قبلك
امممممم ايش تاني؟؟
المهم اي شي تحتاجو راسلني وانا حاضره
عندي محاضرات مسجله للرياضيات لو تبغاها برسل هيا
|
الله يسعدك نزلي ملخص العربي
انا بالنسبه للخطه ب في محاضرات جدا استفدت منها وحملتها على الجهاز بصيغة
Windows Media (.wmv)
اذا تبغوها ..علموني كيف ارفعها على المنتدى وانا ارفعها..طبع بالاضافه الى الاسئله اللي نزلتها الجامعه على الموقع
http://prod.kau.edu.sa/faculties/sci...111/index.aspx
شوفو على اليسار موجود وحدات الكتاب واسئله عليها.......تدريب على حل الماده مفيده
بالاضافه كمان لموضوع الاخ مجروح الزمن جزاه الله كل خير جدا جدا جدا مهم ووالله كثثير استفدت منو وهو شرح مبسط لل الجزء الثامن مربع كاي والله قريت الشرح اللي كاتبو قبل الامتحان بشويه والحمد لله جاوبت على السؤال تبع مربع كاي اللي جاء في الاختبار من شرحه ولله الحمد والمنه
http://www.skaau.com/vb/showthread.php?t=489886
كمان فيه للاخت فانتزي جزاها الله كل خير دا الموضوع
http://www.skaau.com/vb/showthread.php?t=470973
شوفو الرد رقم 8عباره عن اختبارات التجريبية وورقة الإجابة حلتها معنا استاذة الماده كانت برضو مهمه واغلب اسئله الامتحان كانت بنفس الصيغه
طبعا لا تتهاونو في سماع محاضرات السنترا..خصوصا للاحصاء وانا ان شاء الله دا الترم احاول اذا ما قدرت احضر المحاضره اخليها تتسجل على الاقل وبعدين اسمعها علشان لا اقعد احوس وادور على محاضرات مسجله وممكن تفتح معاي وممكن لا وعلى فكره اكيد كلكم عارفين انو احيانا المحاضره تبع السنترا تكون مليانه دسم ومعلومات وتلاقوها فجأه ما اتسجلت وهذا اللي حصلنا في بعض محاضرات الاحصاء عشان كده سجلو أول بأول
بالنسبه لمهارات التفكير دا الملخص جدا ممتاز والكثير يمدحو فيه بس للاسف ما ذاكرات منو وادعولي اعدي الماده دي على خير اكثر ماده خايفه منها
للاخ عبقري الجامعه جزاه الله كل خير
http://www.skaau.com/vb/showthread.php?t=464110
طبعا في لها ملف ممكن تحملوه ومرتب ومنسق للاخ اضن سند مرتب الملخص اللي نزله عبقري الجامعه بس انتبهو
اذا كانو حايغيرو الكتاب دا الترم ولا لالا
كمان شوفو دا الرابط بالنسبه للحاسب
http://www.skaau.com/vb/showthread.php?t=490501
ا واذا افتكرت شي ارجع واقولكم عليه
بالتوفيق ان شاء الله