[آمال وطموح]

المشاركة الأصلية كتبت بواسطة rhf ممممممممم سلام آمال ، ازيك عاملة ايه ؟؟ احنا خلاص تركنا القران و السنة و سرنا ندور ورا اجتهاد العلماء !!! خلاص احنا عارفين انو اصل كل شي في الدنيا الاباحة ، الا ما حرمو الله و رسولو ,, بس شكلنا حنسوي زي اليهود الله قلهم ادبحو بقرة ، يسألوه ، ايش مواصفاتها , قلهم وسط مو كبيرة ولا صغيرة سألو طيب ايش لونها ؟؟ يجاوبهم و يسألوه ،، يعني لمن قلهم ادبحو بقرة ، كان راحو و دبحو البقرة و خلصنا ,, وزي كدا ، قال الاصل ف الاشياء الاباحة ، ما قدرنا نسألو ، سرنا ندور ورا اجتهاد العلماء !!! // ترا التشريع عندنا اسسسسسسسساااااااااسو قرآآآآن و سسسسسسسسنة والشي الضرووووووووري مررررة هو الي العلماءء يجتهدو فيه مو كل شي نبحث عن اجتهادهم ،، خلينا ف الاساس ( قران و سنة ) ولمن نحتاج الششششي الضررووووري مرررررة وقتها نشوف قياس واجتهاد ، عجبت لأمركم

وعليكم السلام ورحمة الله وبركاته

تمامز الحمدلله ان شاء الله انتِ كمان بخير وصحة > الله ييسر لك اختباراتك ياقمري

عزيزتي أول شي حابة أقولك ان مصادر التشريع الأساسية عندنا احنا أهل السنة والجماعة القرآن والسنة والإجماع والقياس

اللي صاير في عصرنا إن الإجماع صعب (ولكن ممكن) فأتحدى أي أحد يجيب مسألة في عهدنا الحالي ويقول فيها إجماع

وبرضوا في أحكام العلماء قاسوا عليها بعد قراءة واطلاع وبحث وعندهم أدلتهم لكن المشكلة لما يجيك واحد يعطيك فتوى وماعنده دليل في الموضوع ولو قلنا انتِ عامية وما عندك علم يا شيخة احتراما لعقلي أعطيني دليل على الفتوى اللي تعطيني اياها !!

مسألة رياضة النساء في الأماكن المغلقة ما عمري سمعت فتوى بتحريمها وفيه ناس كثير على النت يتونسوا مسوين علماء ومفتين برضوا نقول لهم هاتوا أدلتكم الأسباب اللي ذكرتها تونا ما اعتقد انها شي مقنع يفيد بتحريم الرياضة للنساء في أماكن غير مختلطة !!!

يعني الرسول لما امر الجيش يتقدم عليهم وسابق السيدة عائشة (هنا حدث المطلوب انتفى موضوع الإختلاط)
نقدر نستشف ببساطة عقولنا انه مو مشكلة اذا ما كان فيه اختلاط وعليها ايضا موضوع ان النساء ما يهرولون في الصفا والمروة لإن الحرم بطبيعته اختلاط ..

اللي صاير هنا مكابرة ومخالفة لمجرد المخالفة وبس مافي أدلة ولا حتى فيه فتاوى تنبلع ناس نقول لهم الأصل الإباحة في كل شي في الكون ماعدا ما حرمه الله عز وجل بعض العلماء قاسوا على بعض الأمور إللي توصل لفعل فاحشة وحرموها من هذا الباب من باب سد الذرائع وكل الوسائل التي توصل للحرام ..
فإذا النوادي النسائية محرمة لوجود البويات على حد قول البعض فمن باب أولى تحريم المدارس والجامعات لإنها أيضا ما تخلوا من وجود البويات (عذر اقبح من ذنب)