[ماسة المنتدى]

,، أنا برضه اضطريت اني اشوف 5 دقايق غثيثة من الحلقه بس وقت ماكنت أتعشى وبعدها أخذت نفسي لـ غرفتي وجاتني أمي بعد الحلقة طااير عقلها ومفجوعة وتحكيلي طيب وحده ارسلت لواحد صورها و جلس يبتزها فيها تستاهل واستغفر الله تلاقيها ماتابت ولا شي بس سوت لها فيلم على الهيئة عشان يمسكوا الولد وبرضه هو يستاهل واعتقد الكلام هذه والاحداث جدا قديمة مااظن في وقتنا الحالي في بنت ترسل لواحد صورتها الا وهي بايعتها على قولهم ومش فرقانه معها ومااعتقد برضه انه الشاب محتاج يبتزها لانه اذا هي كذا فـ بتجيه في أي وقت وبالطريقة اللي يحب ورجاءاً لا تقولوا لي انه علاقة حب ووثقت فيه من جد لما تقولوا هذا الكلام تحسسوني اننا أيام الأبيض و الأسود والبنات اللي على نياتهم والشباب عفواً الذئاب البشرية الآن كلهم واعيين وكلهم فاهمين الهرجة وكلهم الاثنين ذئاب بشرية بلاش دايما تطلعوا الأولاد انهم أشرار والبنات بصورة المؤمنات الغافلات بعدين الشيخ الفتك استغفر الله ماابغى أتكلم بس يقول ايه لا تحطوا أرقامكم عند أصحاب المحلات ولا تصدقوا الرسايل الدعائية اللي تجيكم وتقول لكم ان المحل الفلاني في تخفيض ووو الخ <= لا ياااشيخ يعني احنا مررره مخنا ممسوح وكمان مستغرب هو من انه نسوي كذا يعني بالله ايش حيصير؟؟ مثلا احيان أضطر انه أترك رقمي في محل بحيث انه لو توفر الشي اللي أبغاه يتصل علي طيب ولو طلع صاحب المحل واحد قليل أصل ونذل واخذ رقمي واستخدمه في إنه يعاكسني عادي ببساطة ماأرد عليه واذا زودها ممكن أحول رقمي لـ واحد من أخواني وانتهى الموضوع واذا كان حضرة الشيخ يقصد انه في بنات صارت لهم مشاكل وتجرجروا بسبب ذي الحركه فأكيد هي البنت لما اتصل عليها أعطته وجه وكلمته ومو فارقه معاها برضه اذا هو صاحب المحل ولا واحد رقمها في الشارع لانه الوضع عادي عندها ماأدري ليه دايم يبغوا يطلعوا البنات انهم مررره سامجات ويصدقوا اي شي والأخ اللي يقول انه ضحكت عليها وحده هذا يا إمّا دلخ ويستاهل ولا مسحور الله يشفيه وبالتالي ماله داعي عرض حكاايته وفيه كم قصة مادخلت مخي ومااستوعبتها عموماً موضوع سخيف وتافه ومو محتاج يفردوا له حلقة يتكلموا عنه ولاَّ يبغوا يثبتوا لنا دور جهاز الهيئة في محاربة الرذائل شكرا خوخا على الطرح ,, ,،

روعه ردك يا ماء السماء سلمت يداك
.
.
.
للاسف الواقع امر عزيزتي والله لو تشوفي الي صاير خصوصا بنات الثانوي طبعا انا معلمه بمدرسه ثانويه واخصائيه اجتماعيه الوضع جدا مزري بحكم السن والخبره احنا نقول مثل كلام بس تعالي شوفي بنات الثانوي والله شي يبكي والله ياما احترت وبكيت عند قصصهم
اعطيك قصه مختصره كنت بالمكتب الدور الثالث ومادريت لا وصوت صراخ من تحت الصباح من بدري قبل الطابور بنت تصرخ ابغئ اشوف ابله ..... بنات النظام مو راضين يدخلوها شوي لا ناظرت من الدرج قلت تعالي ... اخذت تبكي بهيسيريا يا ابلتي ابوسك رجولك ويديك بموت وانتحر السالفه ...... شاب ثلاثيني يهدنني بصوري للعلم عمرها 18 بس طيب هدي ايش فيه افهم قلت مرت ابوي عرفتني عليه ابوي متزوج ثلاث هنا وين لاهل وخصوصا لاب الي عنده مليون ابن وبنت لايعلم حتئ اسماهم المهم مرت ابوها استغلت الوضع وضحكت علئ البنت وعرفتها واعطت الولد صورها وصار يهددها بختصاراخذت الشاهد ولا القصه جدا مبكيه وحزينه
والله اخر شي توصلت له انه اقتل الشاب وريح البنت والعالم وملاين البنات منه والله العظيم كانت دي نيتي وقلت لو رجال يقابلني ويشوف ايش اسوي فيه والله ماعنده ذره رجوله ولا كيف بنت مراهقه يستغله اسوء استغلال
الحمدلله حلينا السالفه بعيدا عن الهيئه الي كل يوم متنحه عند باب المدرسه ولاهي داريه عن شي