[شرووق]

ابتسامتي ماهي لك ..

اعذر عيوني اللي جذبتك ..

اعذر برائتي اللي شدتك ..

اعذرني قلبي ماهو لك

>>اعذرني <<



جوا قلبي حب و شوق .. بس ماهو لك ..

لا تصدقني لما أقول أعشقك

لا تصدق وحشتي و اشتقت لك ..





قلبي هذا لاهو لي و لاهو لك ..

أحلامي ما يوم نادتك ..

جروحي ما وفت إلا لك


كنت أسرح ليل و نهار .. بس ما أتخيلك ..

عمري مافي يوم فكرت بك .. بس فكرت كيف أخدعك

>> اعذرني أخدعك <<



لو لمتني ما بنلقى حل

لو زعلت و رحلت ..

مافي أمل تنسى عذابك و أنسى أنا الألم ..



أنا أعتذر

أنا اللي حبيتك عشانك تشبه اللي قلبي له

لما تضحك .. أسمع ضحكته

لما تقول: أحبك .. و أبكي أنا لأني أتذكره

لما تغني .. يرتجف قلبي أنا .. لأنها نفس نغمته



ويش ذنبي اني كنت أدور صوره له !!

ويش ذنبي لما انت تكون الوحيد اللي تذكرني به !!



كل ما حاولت أحبك .. يزيد حبي له

ضماي ما يرويه "إلا همسه"

بكاي ما توقفه "إلا كلمته"

>> اعذرني عذبتك أنا <<







إذا اعتذاري يكفيك .. خذ مني عهد ..

أبعتذر لين العذر يعتذر لي .. و يقول انه مل ..


و إذا دمعي يرضيك ..

احفر لي حفره هنا .. و تعال بعد يومين تلاقي نهر






> ta