[يلدرم]

للتوضيح وانا هنا ماراح انحاز لاخواتنا الطالبات ولكن للحقيقة

اسئلة الاختبارات للطالبات في معظمها تضعها دكتورات والدليل ان مايقال في الدورة والمحذوف يختلف بين الطلاب والطالبات

الشئ الاخر وهذه حقيقة ان الطالبات اشطر من الطلاب ومن خلال اطلاعي للمنتدى كثير منهن ربات بيوت وعندهم اطفال وازواج وبرغم ذلك متفوقات

فالعيب ليس في الجامعة ولا الطالبات ولا الدكاترة وصعوبة الاسئلة من عدمها

العيب من الطلاب للاسف الكثير منهم يريد اسئلة تتفصل له كالثوب بالتمام والبعض يقول راعونا نحن انتساب وعندنا مشاغل وشئ دايما اسمعه من الاعضاء( احنا بندفع فلووس للجامعة) يعنى نجحونا

هذه شهادة جامعية ولازم تتعب عشان تجيبها ومافي شئ بالساهل

بالاضافة ان الكثير من الطلاب بدأ يذاكر قبل ايام قليلة والكل يلاحظ خلال الاسبوعين الماضية ان البعض يستفسر عن المحذوف والمطلوب ولا انكر ان هناك العديد من الطلاب المتفوقين والطامحين لتحقيق هدفهم من دخول الجامعة واقرب مثال لكم المشرفيين معدلاتهم ممتازة وفي مستويات متقدمة وعندهم اعمال ويحضرون كل الدورات التأهيلية في جدة فكلهم متزوجيين وعندهم عيال ومتواجدين في المنتدى يوميا

لكن من اول الترم يشتروا الكتب ويذاكروا

وهذا نموذج من احد الاعضاء اضحكني كثيرا وجزاه الله خير اثبت ان الكثير للأسف لا يعرف ابجديات اللغة ويقول الاختبار صعب

المشاركة الأصلية كتبت بواسطة محمدعيسى بقولكم قصة صارت معي مرة في إختبارالإنجليزي كان فيه سؤال فيه كلمة تمورو يعني بكرة بالعربية وكان فيه واحد جالس قريب مني ويبغى يعرف معنى الكلمة فقالي وهو مستعجل وش معنى تمورو قلت أنا بكره ونسيت السالفة وشوي ياجماعة الخير إلا والرجال زعلان ويتمتم بكلام مافهمته قلتله وش فيك وش السالفه قال الحين أبغاك توقف معي وتساعدني تقوم تصرفني وتقولي بكرة لكن خير إن شاء الله الشرهة ماهي عليك الشرهة على إلي يجلس بجنبك بالله لو انك مدرس المادة كم تعطيه من درجة لوأنا مدرس المادة اعطية الدرجة كاملة وأنا اضحك

لكن الشئ اللي كل سنة يتكرر الشكاوي على الاختبارات ونحن في ادارة المنتدى نسمح بالنقد ولكن لا يتجاوز للتجريح وبعد النتائج تظهر مواضيع شتم وسب الدكاترة والدعاء عليهم وبعد حذفها من قبل طاقم الاشراف ينتقل السب واللعن تجاه المشرفيين
ولذلك فاللي يكون زعلان من اختبار او نتيجة لا يرد برد يسئ لنفسه ويسئ لنا