نداء لطالبات فرع كليه الرحاب ( التصاميم والفنون )
السلام عليكم ورحمه الله وبركاته
حبيت يكون في هذا الموضوع انو نتكاتف ونعمل شي بالنسبه لحالتنا الغير مرضيه بالكليه
اول شي ابغى اقول طبعا الدكاترة الحمدلله الاغلب جيد فماعندنا مشكله بالنسبه للدكاترة
مشكلتنا في المكان
مايصير ابدا نسكت اكثر من كذ صح انو المكان معقول لاكن غير مجهز للقسم لا من كلاسات لا من معامل اقسامنا تحتاج الا معامل لانو اغلب الشغل عملي مو معقول انو نشتغل على طاوله الكرسي
المفروض احنا لنا الاحقيه انو يكون قسمنا بالفرع الرئيسي لانو احنا قسم والي موجود بالفرع مجرد مسار بس ليش لانهم علمي هذا ظلم ورب الكعبه
مايصير نسكت ايضا بنات الفنون ليسو احسن منا حالا لدرجه انو استاذة تقولي انو بناتها يشتغلو بساحه الكليه
ليش إن شاء الله احنا بجامعه ولا ايش
احنا طالبات من طلاب جامعه الملك عبدالعزيز وهذا من ابسط حقوقنا يوفرو لنا مكان منظم يتناسب مع تخصصنا
لازم نرسل الكل وليس فقط مجموعه نرسل للعميد والى كل من بيدة شي لمساعدتنا
حتى المواصلات مافي احد يوصل الكليه
ولا الكفتيريا الي اكلها يجيب المرض
لازم نتكلم ونسوي شي يا يهيأو مكان لنا متناسب مع تخصصنا او ينقلونا للفرع الرئيسي اعتقد لنا الاحقيه في ذالك
ارجو ان الاقي منكن تفاعل
ننظم خطاب باسامينا وارقامنا الجامعيه ونرسلها للعميد
تقبلوو تحياتي
|