[الـمـقـاول]

الاختبار موب صعب لكن الدكتور الي وضع الاسئله يحسبنا بجامعة عين شمس طلاب منتظمين بعد !


عموما الاسئله من القطاعه للقطاعه يعني ماخلى شي بالكتاب ماجابه والحق ينقال الاسئله جات كثيره منها بالنص من الكناب هذا غير التعاريف يعني المفروض من الدكتور يصير على هونه علينا يعني ماده علميه فيها مسائل رياضيه ليه تقوم تحط اسئله نظريه يعني 21 سؤال نظري كل سؤال عليه درجتين ونص على ماعتقد 52 درجه راحت على الي قرأ النظري قراءه فقط من المسؤول !


حنا انتساب ياعالم مو منتظمين يعني ماكان لازم من الدكتور الله يهديه يحط اختبار يشمل الكتاب كله والله العظيم مانظلمه فعلا ماجاب شي من برا الكتاب لكن ماكان باقى الا الفهرس يحط عليه اسئله !!!


والي يقهر اكثر حاطين للماده ذي ساعه ونص كننا نختبر سلم ولا عرب مو ماده كلها مسائل وتعاريف لدرجة ان المراقب يوم قال باقي على الوقت 10 دقايق كنت توني واصل الفقره 16 من مجموع 40 فقره ! المفروض اقل شي ثلاث ساعات لمواد الرياضيات مو ساعه ونص !!!

عموما ً راحت علي الماده وشكل التحليل الاحصائي بيروح ان كان الي بيحط الاسئله نفس الاخ الي حط اسئلة المباديء وياحسافة فلوسي الي راحت على المدرس الخصوصي