[Liiqet_ro7y]

وعليكم السلام و رحمه الله و بركاته

بالنسبة لجهازك حاولي توديه لاقرب محل يضبطه لك لان اغلب البنات اللي عندهم
مشاكل بالسنترا ودوه لمحل صيانة و ضبطه لهم
الكتب انا ما اشتريتها الا يوم الخميس لان ما لقيت احد يروح يجيبها لي الا الحين
عاادي ياقلبي نساعد بعض لا مفهية ولاشي ترى انا كمان في اشياء
ما اعرف لها و اسال زميلاتي بالدوام ترى انا مثلك موظفة و ما اقدر اروح للجامعة الا يوم الامتحانات
لان دوامي من 8 الصباح الى 4 العصر فصعب انا اسفة ..
اتمنى وحده من البنات تقدر تساعدك في هالشي


بالنسبة للكتب انا اخوي راح يشتريها لي من
جرير اللي بحي الجامعة اذا تعرفيها و راح دار حافظ
اذا حابه اساله ايش هي الكتب اللي اشتراها من جرير و ايش اللي من دار حافظ


مبادىء الاحصاء للعلوم الادارية والانسانية
اعداد قسم الاحصاء بجامعة الملك عبدالعزيز الطبعة الخامسة

ومهارات اتصال تحرير د. نوح يحيى الشهري
الطبعة اللي جابها اخوي مكتوب عليها الطبعة الثانية
اهم شي انتي خلي اللي يروح يشتريه لك يشوف
الوحده الاولى مكتوب باخر صفحة فيها 30 هذي الطبعة كاملة
ما يحتاج تحملي اخر صفحة من الوحده الاولى <<< اتمنى تكوني فهمتي علي


مذكرة مهارات التعلم و التفكير COMM102 جمع وترتيب قسم مهارات الاتصال



الانجليزي اللي الكل حايس فيه
new headway plus special edition

قولي للي يروح يجيب لك الكتب يقول للي بالمكتبة يعطيه الكتاب الاحمر و الكتاب الاخضر
حتى لو قال له اللي بالمكتبة ان الاحمر مستوى ثاني خليه يجيبه ما عليك منه لانه زمان كان مستوى ثاني الحين ندرسه
و اليوم انا محاضرة الانجليزي بدانا بالكتاب الاحمر منه الى يونيت 6 وطبعا راح نكمل بالمحاضرات الجاية
طنشي اللي بالمكتبة يعني مجموع كتب الانجليزي راح يكون 4
2 كتاب طالب و 2 كتاب تمارين
و المهمه لنا احنا كتب الطالب واحد اخضر والثاني احمر



اذا حابه اصور لك الكتب من عيوني

اسفة طولت بالرسالة اتمنى تكوني استفدتي من هرجي الكثير
واي مساعدة انا حاضرة لا يردك الا الكيبورد و اول ما اشوف الرسالة راح ارد عليها ولايهمك


طبعا ما قدرت ارد عليك برسالة خاصة
لان لازم تكون مشاركاتي 100 :( وانا بس 7