[Anda]

شكراً أخي أبو دجانة على الموضوع...
أنا أوافقكم الرأي أن التكاليف مرتفعة لدرجة أن الشاب يتزوج و إلى عشر سنوا ت من الزواج و هو يدفع في ديون زواجه...
شوفوا المهر يعني من 10 - 20 ألف من حق الزوجة عشان تجهز نفسها للزواج و سكن لحالها هذا برضوا من حقها مو شرط سكن كبير سكن على حسب مرتب الزوج...
لكن الطلبات المبالغ فيها القاعة تكلف 50 ألف و الفستان 20ألف و العزايم 20 ألف و تجهيز المنزل 30 ألف وهدية للأم و هدية للأب ( بطريقة إجبارية مو من طيب نفس الزوج) و 5 ألاف المكياج و الشعر ... ما أعرف إذا هذي الأسعار قريبة من الواقع و لا الواقع أكثر... المهم الشاب لما يجي يخطب يخطب وحده مستواها المادي قريب من مستواه و تعيش على قد حاله مو يروح يخطب وحده أهلها معيشينها في قصر و كل صيف سفر و عندها خادمة و سائق و فرح قرايبها كان مكلف جداً و يقول ليش هذي الطلبات الكثيرة ... وحتى لو خطبت وحده و طلبت تكاليف فوق قدرتك أتركها و أخطب غيرها حى لو عشر مرات خطبت إلى أن تلاقي الي تناسبك... و البنات الي طلاباتهم مكلفة فيه شباب أهلهم مستعدين يدفعوا كل المصاريف و يكونوا من نفس المستوى و يكون أبوه بالواسطة و ظفه بوظيفة دخلها عالي جداً ... يعني أبحثوا مو بس محاولة و أرضخ للطلبات و تدخلوا نفسكم في ديون منتو حملها.....
و في ناس تشتري رجال مو فلوسه وفي ناس تشتري رجال بفلوسه و في ناس تشتري فلوسه فقط أبحثوا ثم أبحثوا مو كل الناس مثل بعض...

و على فكره مو المشكلة من البنات فقط حتى الشباب صار كل همهم شكل ما يفكروا في أي شي ثاني غير الشكل و الطول و الوزن ... أعرف من حقهم يدورا الجميلة إذا هذا مهم بالنسبه له بس هذا مو كل شي أهتموا بالتفكير و طريقة الحياة و غيرها كثير و مو لازم مواصفات مثل الفنانات... أعرف مو كل الشباب كذا و لكن فيه كثير منهم كذا...