[ماجد ابن مرزوق]

يا صاحبي ما فاد كثر المشاريـه
لوهو يفيـد كـان حسيـت فينـي

يامل قلب(ن) ينشد الوصل شاريه
من صالي الفرقا يجـر الونينـي

لا بان بدر الولف محد(ن) يباريه
وشجون حبه بالصدر تحتوينـي

يا نسمة الآشواق روحي وجاريـه
صوب الحبيب الي أطيافه تجينـي

أسقيتني مر الهوا بعد حاليه
يا ملهم(ن) روحي بكثر الحنيني

كم ليلة(ن) أسهر على ذكر طاريه
فداه عمري و ما بقى من سنينـي

يا وخزة(ن) بالقلب لاجت هذاريه
أحسها يوم اذكره تعتريني

ياليتني في حيـه وحواريـه
يرتاح قلبي يوم اشوفه بعيني

عسى السعد دايم حليفـه يباريـه
مكتوب للغالي ابو وجه(ن) حسيني






وسلامتكم

منقول