[gold king]

المشاركة رقم 1000


السلام عليكم

انا من سكان جدة زي ما تعرفو
من شمالها عند صاري

احب الهدوء واي شيء فيه هدوء
ما احب لمن اسوق السيارة يكون في ازعاج وما احب اركب صغار
اكترمشوار مشيتو وفيلو صغار كان من الشرائع في مكة الين البيت
بس ما خليتهم يسو ازعاج قلتلهم اذا ما سويتو ازعاج اجبلكم اسكريم من باسكن
وسمعو الكلام الحمد لله

احب الاغاني والاناشيد الهادية
وما احب اسمع الخليجي كتير

احب الاغاني الهادية والحزينة
احب الغربي بس الهادية
فرقة linkin parke and back street boys and nana


طبعا لمن اسوق السيارة
اسوق حسب المزاج
اذا كان تمام
من بيتي الين الجامعة تقريبا 30 دقيقة
اما اذا كنت في مزاج سيء اخذ 15 دقيقة او اقل

وفي الالوان احب
العودي الكحلي الاسود


اما في الملابس احب الالوان الغريبة
بنكي
موفي
سماوي
فصفوري
برتقالي
اخضر
وكمان احمر واسود وابيض


مرات كثير اتهزئ في اللبس عشان هذي الالوان
لكن عاجبتني

اما التياب ما البس كتير
ولمن البس البس ملونة

وفي الترتيب
حدث ولا حرج
مرات ارتب مرات
لكن اخوية المسكين هو الي يرتب الغرفة والسيارة اما انا نادرا ارتب
واذا رتب ترتيب ابو كلب

احب البولينج لازم كل اسبوع اطلع العب واذا كترت شهر

ولمن واحد يباغاني اسويلو اي شغلة يجيني وانا رايق اسويها
اما غير كذا
يعطني شغلة امكن انساها او اسحب عليه فترة

احب المغامرات
من الا شياء الي اتمنى اسويها اني انط من طيارة بالباراشوت

واحب اعزف على القيتار والبيانو لكن ما اعرف

احب السفر مرررررة
من الدول الي ناوي اروحها
فرنسا وسويسرا والنمسا والمانيا واسبانيا وجنوب افريقيا
واحب اللغات وان شاء الله راح
اتعلم بعد الانجليزي الفرنسي والاسباني والبرتغالي

اضافة كمان
اشجع نادي الاتحاد والارسنال

وسلامتكم
ولا احد يدقق على الاغلاط