[O-DODY-O]

والله العظيم امس حصلي موقف

لو اني بكامل قوايا العقليه كان الرجال ما سلم مني

وانا طالعه من قاعة المؤتمرات الساعه 1 ماشيه ويجي واحد طاير مدري ايش يبغا من حياتو

وانا قاطعه السكه ومسكين رجل الامن طار قلبو عليا

ونط وفجأه وجا وقف في نص السكه واشر للرجال عشان يوقف

يعني اذا الرجال ماوقف كان المسكين رجل الامن مات

وانا بكل غباء الدنيا ماشيه ولا كأنو ساير شي

والمسكين رجل الامن اتربك ومدري ايش سار فيه

وانا انسانه مدري وين عقلي في هذاك الوقت

ماشيه عادي ولا حتى اطالع في الناس ولا شي اطالع قدام وامشي واقطع السكه ولا حتى اشوف هوا في سياره جايه ولالا

يعني لو انصدمت 100 سياره اعرفو انو انا اللي قطعت السكه وحصل الحادث بسببي وحتلاقوني ماشيه ولا حتى افكر اطالع هوا ايش ساير ورايا

والله اني انسانه مدري كيف ربي خلقني