رد: لا تبخل علينا .. أدخل وأكتب خواطرك
سوووري الجو رومانسي
بس عاد هذي القصيده اللي بخاطري اللحين وما اقدر اكتب غيرها
صح انها فرااق بس حلوه <<< بيغى يكحلها عماها
ركزوا على الابيات اللي تحتها خط وتعرفوا ليه انا كاتبها
لاصرت بايعني اشوفك على خير ...مع السلامه دام مابه سلامه
قلت انتهينه قلتلك خير يا طير .... ماني اول شخص يخسر غرامه
امحذرك من قبلها الف تحذير ....لاعفتني بيعيف قلبي هيامه
ماني بميت لا ولا احتاج تبرير....صح الله لسانك ووفر كلامه
بسمعك حبكه وفكره وتصوير...وافهم عدل يامدعي بالفهامه
وجه الشعر ابيض ويحتاج تبرير ...ودي تزين ها القصيده علامه
ماضيك الاسود بذكره دون تقصير...كذا يكون بخده هالشعر شامه
يصدق معي تعبير ويخون تعبير...ياضيعت الشاعر بوقت انسجامه
يمكن خطى ادونك بالشعر مير....لو ماحترمتك للغرام احترامه
ماكان حبك غير بس طعنتك غير...علمتني معنى الندم والندامه
ماجاك مني اي زله وتقصير ....كل ما خطيت اعاتبك ببتسامه
حسبي على الذكره اذا هبت عصير ....ماعاد تنفع شرهتي والملامه
البال ظامي وقتها والحزن بير...خسرتك وهمي كسبت اهتمامه
والليل فازعلك كذا جاني مغير....ظلمتي واكثر ظلمني ظلامه
لقبل علي اوحيت صوت المسايير....وفزيت كل ضيف اقوم بمقامه
وليا عزم هالليل ضيقه وتفكير...قلي بربك كيف اقدر انامه
مافي داعي للعتب والمعاذير...الغدر خال الجرح واطيب عمامه
اما يجيب الله مطر تالي وخير ..ولا السلامه ماشي مابه سلامه
للشاعر خالد المريخي
|