[شمعة الجامعة]

عدت للمرة الثانية

ياليت يكون في حلقة عن الإتيكيت
،,،
معاملة المستخدمات سواء في المدارس أو المراكز أو المنازل ...إلخ
وأيضاً عمال النظافة في الشوارع ورحمتهم والرفق بهم ..
بالنسبة للشغالات في المنازل
من وجهة نظري أشوف إن معاملة الأهل لها دور كبير بل هي الدور كله لأن تحقد عليهم وتتسبب في إيذائهم
أليست بشر ,,من قسوة المعاملة أحيناً يحاولوا الفرار بجلدهم من بلكونة أو الإتفاق مع مجموعة ...إلخ
وأحياناً تجمع أثر من في البيت لإيذائهم حين عودتها للوطن لأنها عانت منهم الكثير
وما مجيئها هنا للخدمة _وترك أطفالها وزوجها أو من تترك والداها _إلا للحاجة ..
فلم لا نعاملها كإنسانة لها نفس ومشاعر مثلنا
أنرضى بكلمة أو تهزيء أو نرفزة أو صوت عالي وصراخ وضرب
لا والله ,,,لماذا نرضاها لغيرنا
لو إبنك أحد قال له كلمة ما عجبتك تقوم الدنيا بمافيها ,,فما بالك بالضرب والشتم ...إلخ
المهم القصص كثيرة عن معاملة البعض للشغالات بقسوة زي وحدة كانت تجي الروضة تقول أنها تتعامل معاملة قاسية ودايماً الشغل كثير تطبخ وتنظف وتروح مع باص توصل أطفال ..وفي اللي يخلوهم ياكلوا بعد الإنتهاء من الطعام
كيف يهنأ لك أن تكون وحدة معاك وتأكليها بعد ما تخلصي وتشبعي إنتي :(
وفي اللي يطلبوا من مطعم وهي يخلوها تاكل من الموجود في الثلاجة ..ليش طيب أعتبروه صدقة ..
وفي المقابل هم ينتقموا بأخذ الأثر وعمل السحر وسرقة الأموال والذهب
وحدة سوت كيكة ودخلت الذهب جوتها ..ولما وصلوها المطار ,,,تم رفض إدخال الطعام والشغالة مصرة بأخذها,,,ورجع رب الأسرة بالكيكة وتفاجئوا عند تقطيعها بوجود ذهبهم ..
وفي قصص مومناسب ذكرها هنا ..
أنا عن نفسي وأخواتي مرة ما نأيد وجود الشغالات وخاصة اللي يناموا في البيت
كيف ترتاح الوحدة وتاخد كامل حريتها وفي إنسانة معاها في البيت من ناحية اللبس والكلام و...إلخ
أتوقع لو الوحدة ماخذه حريتها على الآخر معناه إنها شايفة هالإنسانة ولا شي وكأنه لا وجود لها في البيت
وهذا غلط كبير ينتج عنه أمور كثيرة ومن ضمنها الحسد والحقد <<يعني إنتي مرتاحة وماخدة حريتك في اللبس والقصيرو,,,,, وأنا جاية من بلدي وتاركة زوجي وأطفالي ومو متهنية لا في لبس ولا في وناسة ..
وكمان تسمع كلامك مع الأبناء والزوج والصديقات وتنقله للآخرين ..وممكن تنقله للسواق ..
إذا كتبت ما حنتهي ..
وأتوقع في هنا وبلدان برا يحترمونهم ويعاملوهم كفرد من الأسرة
ياليت يكون في نماذج يحتذي بها كي يعم الخير للجميع
صح وكمان السواقين ومعاملتهم
ولين الكلام والتساهل معه وكأنه فرد من الأسرة والكشف أمامه وكأنه محرم ولأنه معهم فترة طويلة <<خير سلامات
ماهو رجال ...والله أنه بعضهم سيئين على الآخر ..
وأحياناً التساهل بالركوب معه دون محرم ....وفي الأخير نقول هو الغلطان :(
أو إرسال الأطفال معهم للمكتبة أو السوبر أو المدرسة بحكم أن المكان قريب
أنتبهوا من هذه الناحية
حصلت مواقف محزنة وأكتشفت شي يصير لأحد الأطفال في الروضة وتأكدت من رؤية رأيتها وتفسرت بنفس اللي في بالي
والحمد لله ربي وفقنا في حلها ..
لكن بعد إيش ,,بعد ما تتكون الأزمات النفسية ,,وكل ذلك من الآمان الذي يمنحه رب الأسرة في السواق <<<أحس إني خرجت عن الموضوع من القهر والواقع اللي أشوفه ..
المهم لو السواق يجي ومعه محرم أفضل بكثير ونتفادى أشياء كثيرة ...
كنت بكتب أشياء كمان لكن الشغالات والسواقين أخدوا جزء من حقهم ...
،,،
ميمي ,,,,أقتبسي الكلام المناسب ووصليه لأني أسهب في الكلام والفضفضة وممكن تكون في أشياء ما تناسبهم وأنت أدرى بفريقك ...
وفقك الله ميما ووفق كامل الفريق لما يحبه ربنا ويرضاه وأسعدكم في الدارين