[بيو كيميائية ^_^]

بصراحة الحرمة السعوديةً جدًا جدًا مالها حقوق بالرغم إن الإسلامـ كرمها وجعل لها حقوق

وإلا فيه في العالم كله وحدة تمتلك شركة وماتقدر تديرهـا وتتضطر توكل أخوها أو أبوهـا أو زوجها ويكون مايخاف الله ويسرقها

وإلا نعمل بطاقة أحوال ويقولون لك مالها فايدة طيب ليه نعملها دام مالها فايدة الحمدلله إني ماعملتها

وإلا نروح البنكـ عشان تحديث حساباتنا وعندي بطاقة البنكـ وجوزاي وبطاقة العائلة لكن كل هذا مو مهم تقول لي روحي جيبي معرف وأخلي أخوي الأصغر مني يوقع ويروح قسم الرجال وبعدين يخلصون أموري

وإلا الوحدة بتموت لازم توقيع ولي أمرها عشان يعملون لها عملية

وأيضًا الحرمة ماتقدر توقع على عمل عملية لولدها والأب مو موجود لسفر أو أنه قاطهم ايش تعمل يعني

وأنا كبنت ماأقدر أسافر مع أخوي إلا بتصريح من أبوي طيب هذا أخوي من لحمي ودمي

ولا إذا تزوجت وجيت بسافر مع أبوي مايصير لازم تصريح من زوجي خير مو أبوي هو اللي جابني قبل ماأتزوجه

حتى من ناحية المباني الدراسية إحنا في جامعتنا لما أمر أو أشوف مباني الأولاد أنهبل وإحنا بعض المباني عندنا معدمة وشينكو !!!

قضايا الطلاق في أسرع وقت وقضايا الخلع تاخذ سنين

أبسط حق وهو إن الحرمة ماتبيع في محل ملابس الداخلية للنساء بالرغم إن كل دول العالم حتى الكفار يبيعونها حريم وإحنا رجال

عمري كله ماإشتريت لي ولا أطيق أدخلهمـ حتى

وجهة نظري