[تلميذ منتسب]

8

ههههههه ، الظاهر اني لابد انتبه المره الجايه قبل اطلاق المفرده اكثر من انتباهي ومراعاتي لشعور المتلقي.. قبل لااتكلم بها .. لان وقع الكلمه لازال مأثر عليك .. ولازلت واقف عندها .. !! ولانك لازلت واقف عندها :: فأنا يشرفني اني اعتذر لك وللشاب السعودي عن هالكلمه مع اني ماقصدت بها اي شي شين ؟؟ ولا كنت ءأكدها كنت اتسآءل فقط . واقول : معقوله ... الخ وكنت احتري اجاباتكم .. عالعموم : انا اسسسسسسفه ياتلميذ انت وكل شباب الوطن ^_^ على خطأي الغير مقصود.

ابد والله مازعلت ولا شي

اصلا لو اني ازعل كان تركت المنتدى هذا من زمان مو من اليوم

بس فعلا كلمه تخلف صعبه شوي

تخيلي واحد يجي ويقول عليك يامتخلفه دينيا !

بغض النظر عن هذا الموضوع

اعتقد انك ماتسمحي لاحد يقول عنك متخلفه ايا كان ذلك الشخص وايا كان الموضوع المطروح امامك وعليه ان يلزم حدوده بالكلام معك

وللامانه والحق يقال انك في اغلب الاحيان تعاملك مره طيب ولكل جواد كبوة ولكل انسان هفوه

لكن الاصل ومن خلال قرائتي لردودك واضح انك انسانه طيبه

ياسلاااااام عليك .... طيب انا ابي أسألك قبل لاارد عليك بهالنقطه ..؟ - شفت لي كلام يقول : ان الدين ينص على انك ماتتزوج غير سعوديه ؟؟؟ - شفت لي شعارات تشير الى : حيلولة تقبل المجتمع للشاب السعودي المتزوج من غير السعوديه ؟؟؟ - شفتني اسب واشتم باللي ياخذ غير سعوديه واطيح بذوقه ووطنيته ؟؟؟

حاشاك

كل الذي قرأته هو وصفك بالتخلف لمن يفكر في ذلك وهذا وصف غير صحيح

وكان ردي على هذا الوصف فقط وقلت لكي سابقا لماذا تسميه تخلف ؟

وكان ردك ان القصد هو التخلف الديني

والتخلف تخلف

ان رفعتيها في الشنب وان نزلتيها في اللحيه

اخوي تلميذ :: المثل يقول : (انا واخوي على ولد عمي ، وانا وولد عمي على الغريب) .. ولو ان المثل ماله شغل بكلامنا .. لكن خذ منه اللي انا اقصدهـ .. واتوقع انك فهمت وش انا اقصد ؟ يعني .. الحين داااايم يقولون : البنت >> ولد عمها اولى بها من الغريب .. وهالشي تربوا عليه اجدادنا وربوا آباءنا عليه .. وطبعاً المتعلمين من آباءنا رفضوا هالفكر المتعنت وتركوا الامر للنصيب .. بدون حجز البنت ولا التضيق على الشاب ببنت عمه ويمكن مايبيها .. والعكس صحيح لكن اذا الدين يقول : المسلمه اولى من الكتابيه وغيرها .. حنا نقول : ان بنت وطنك اولى من غيرها ... هذا الكلام كنت ولازلت اشير إليه .. وانا لازلت مُصره على هالنقطه .. يعني ابسألك سؤال شخصي رد عليه بداخلك اذا يزعجك تجاوب عليه علناً او يجرح شموخك ... لو ولد عمك ... او صاحبك ... فيه كل المميزات اللي يتمناهـا اي شخص لاخته او بنته .. شخص يعجبك بكل صفاته وخصوصاً رجولته وشخصيته وكرمه وثقله ... الخ من المميزات المطلوبه وقالك : انا ابي اتزوج من الخارج .. وابي اروح اقدم للداخليه مدري الاماره .. (مدري وينه فيه التقديم) على طلب الزواج من البلد الفلانيه ... بالله مايحز بخاطرك ان هالشخصيه تروح لبرااا ؟؟ ماتقول بنفسك ياليتك تتقدم لوحده من محارمي والله لازوجك اياها .. مايحزنك هالشي !!! يعني اترك عنك العنجهيه والاصرار على شيء عكس عن اللي بالداخل .. واترك سالفة النصيب ومالنصيب ، ومااذل نفسي ... الخ ماقلنا انك تقوله شي .. لكن انا أسألك عن الشعور اللي يجيك حزتها ... اتمنى ترد علي رد تلميذ منتسب اللي كلنا نعرفه ... ^_^

يااخت سكون الزواج في الغالب يكون له اسباب ومو زواج وخلاص

وعلى العموم مثل ماقلت لك بالاول

مااستطيع ان اتدخل في خصوصياته بغض النظر يحز في نفسي ولا لا

اذا هو كانت رغبته وقراره انه يتزوج من الخارج وش اقول له لا تتزوج يعني ويحز في نفسي

يمكن البنت اللي بيتزوجها من الخارج انسانه طيبه وذات خلق ودين وما يعيبها شئ ابدا

انا اتكلم بواقعيه صعب اتدخل وهذه رغبته وحياته الشخصيه وهو اللي يقرر فيها

انا ماتكلمت من فراغ .. البنات جالسات بالبيوت وماشاء الله عليهن كلن تقول الزود عندي .. سواء كانت قبيليه ام لا ؟؟ البنت بشخصها وبأهلها وباخلاقهم جمييييييع .. وبدينهم .. وبمحافظتهم وماشاء الله ماينقص اغلبنا شي ...

وماازيد على سمنك الا عسل

والله الجمال والاخلاق والطيبه والوقفه والنخوه في بنت البلد

اخوات الرجال

ومع ذلك ... تحسبونها نوماس لما تترك بنت الوطن وتطلع برااا !! اغلبهن يقصدون الماده .. وبعضهن تجي هنا وتحب غيرك وتخونك .. يعني انا مااعمم والعياذ بالله لكن سلومهم غير عنا ، اطباعهم مختلفه تماماً .. ماترتاح ولايهنى لها بال الا لما تخليك على الحديده .. من ورا اكتب لي بيت باسمي .. اكتب لي ارض باسمي ... حط لي رصيد بالبنك ... الخ والذي نفسي بيدهـ .. انا شايفه من هالنوعيات كثيييييير .. وعندنا من القبيله ماخذين من الخارج لكنهم قلال جداً ولله الحمد .. وتعبانين حييييييل معهن وتشوفه مشيب من الهم وهي ماهمها غير مصلحتها .. انا مااعمم يالربع .. انا اخص شريحه معينه ومنتشره وعلشانكم سعوديين فهن يحسبن انكم تصحون الصبح وتلقون الفلوس تحت المخده .. او كل يوم يجيك طرد به مبلغ وقدره طبعاً هالطرد يكون الفايض من ارباح النفط هههههههههههههههههههههههههههه صراااحه هم يضحك وهم يبكي .. !! الله المستعان بس ^_^

قلت لك يااخت سكون كل واحد ينام على الجنب اللي يريحه

انا والله فاهمك من غير ماتتكلمي هالكلام

وعلى العموم ومثل ماتفضلتي مانقدر نعمم وفيه ناس طيبين

وكل واحد له الحريه في اختيار حياته الشخصية التي يريد ان يعيشها

واقعيا ماتقدري تمنعي احد خاصة في مثل هذا الموضوع المصيري

تحياتي لك