[سكون الورد k.a.u]

المشاركة الأصلية كتبت بواسطة تلميذ منتسب 8 اذاً نعود لمسألة الحرية الشخصية والاختيار والرغبة والتي لاتعتبر من التخلف سواء كان عقلي او ديني ولو ان التخلف واحد سواء هذا او ذاك ولا يقبل احد ان يقال عنه انه متخلف لانه تزوج من الخارج ههههههه ، الظاهر اني لابد انتبه المره الجايه قبل اطلاق المفرده اكثر من انتباهي ومراعاتي لشعور المتلقي.. قبل لااتكلم بها .. لان وقع الكلمه لازال مأثر عليك .. ولازلت واقف عندها .. !! ولانك لازلت واقف عندها :: فأنا يشرفني اني اعتذر لك وللشاب السعودي عن هالكلمه مع اني ماقصدت بها اي شي شين ؟؟ ولا كنت ءأكدها كنت اتسآءل فقط . واقول : معقوله ... الخ وكنت احتري اجاباتكم .. عالعموم : انا اسسسسسسفه ياتلميذ انت وكل شباب الوطن ^_^ على خطأي الغير مقصود. ومسألة الطلاق هذه ذكرتها كمثال للتأكيد على ان مايقال ويردد لا يعدو سوى شعارات ولافتات وكما تفضلتي المشكله في تطبيق الدين والا لما كان هناك هذا العدد الهائل من الطلاق (فاظفر بذات الدين) هذا القول الكريم من امام المرسلين عليه افضل صلاة واتم تسليم هو شامل لكل مسلمة في هذا العالم اجمع وايضا للمعلوميه الدين لا يمنع حتى الزواج من كتابيات طالما انهن ( محصنات غير مسافحات ولا متخذات اخدان ) ولكن المسلمة هي الاولى طبعا ياسلاااااام عليك .... طيب انا ابي أسألك قبل لاارد عليك بهالنقطه ..؟ - شفت لي كلام يقول : ان الدين ينص على انك ماتتزوج غير سعوديه ؟؟؟ - شفت لي شعارات تشير الى : حيلولة تقبل المجتمع للشاب السعودي المتزوج من غير السعوديه ؟؟؟ - شفتني اسب واشتم باللي ياخذ غير سعوديه واطيح بذوقه ووطنيته ؟؟؟ اخوي تلميذ :: المثل يقول : (انا واخوي على ولد عمي ، وانا وولد عمي على الغريب) .. ولو ان المثل ماله شغل بكلامنا .. لكن خذ منه اللي انا اقصدهـ .. واتوقع انك فهمت وش انا اقصد ؟ يعني .. الحين داااايم يقولون : البنت >> ولد عمها اولى بها من الغريب .. وهالشي تربوا عليه اجدادنا وربوا آباءنا عليه .. وطبعاً المتعلمين من آباءنا رفضوا هالفكر المتعنت وتركوا الامر للنصيب .. بدون حجز البنت ولا التضيق على الشاب ببنت عمه ويمكن مايبيها .. والعكس صحيح لكن اذا الدين يقول : المسلمه اولى من الكتابيه وغيرها .. حنا نقول : ان بنت وطنك اولى من غيرها ... هذا الكلام كنت ولازلت اشير إليه .. وانا لازلت مُصره على هالنقطه .. يعني ابسألك سؤال شخصي رد عليه بداخلك اذا يزعجك تجاوب عليه علناً او يجرح شموخك ... لو ولد عمك ... او صاحبك ... فيه كل المميزات اللي يتمناهـا اي شخص لاخته او بنته .. شخص يعجبك بكل صفاته وخصوصاً رجولته وشخصيته وكرمه وثقله ... الخ من المميزات المطلوبه وقالك : انا ابي اتزوج من الخارج .. وابي اروح اقدم للداخليه مدري الاماره .. (مدري وينه فيه التقديم) على طلب الزواج من البلد الفلانيه ... بالله مايحز بخاطرك ان هالشخصيه تروح لبرااا ؟؟ ماتقول بنفسك ياليتك تتقدم لوحده من محارمي والله لازوجك اياها .. مايحزنك هالشي !!! يعني اترك عنك العنجهيه والاصرار على شيء عكس عن اللي بالداخل .. واترك سالفة النصيب ومالنصيب ، ومااذل نفسي ... الخ ماقلنا انك تقوله شي .. لكن انا أسألك عن الشعور اللي يجيك حزتها ... اتمنى ترد علي رد تلميذ منتسب اللي كلنا نعرفه ... ^_^ انا ماتكلمت من فراغ .. البنات جالسات بالبيوت وماشاء الله عليهن كلن تقول الزود عندي .. سواء كانت قبيليه ام لا ؟؟ البنت بشخصها وبأهلها وباخلاقهم جمييييييع .. وبدينهم .. وبمحافظتهم وماشاء الله ماينقص اغلبنا شي ... ومع ذلك ... تحسبونها نوماس لما تترك بنت الوطن وتطلع برااا !! اغلبهن يقصدون الماده .. وبعضهن تجي هنا وتحب غيرك وتخونك .. يعني انا مااعمم والعياذ بالله لكن سلومهم غير عنا ، اطباعهم مختلفه تماماً .. ماترتاح ولايهنى لها بال الا لما تخليك على الحديده .. من ورا اكتب لي بيت باسمي .. اكتب لي ارض باسمي ... حط لي رصيد بالبنك ... الخ والذي نفسي بيدهـ .. انا شايفه من هالنوعيات كثيييييير .. وعندنا من القبيله ماخذين من الخارج لكنهم قلال جداً ولله الحمد .. وتعبانين حييييييل معهن وتشوفه مشيب من الهم وهي ماهمها غير مصلحتها .. انا مااعمم يالربع .. انا اخص شريحه معينه ومنتشره وعلشانكم سعوديين فهن يحسبن انكم تصحون الصبح وتلقون الفلوس تحت المخده .. او كل يوم يجيك طرد به مبلغ وقدره طبعاً هالطرد يكون الفايض من ارباح النفط هههههههههههههههههههههههههههه صراااحه هم يضحك وهم يبكي .. !! الله المستعان بس ^_^ ،،، بالنسبة لموضوع العصبيه اختي الكريمة سكون الورد ترى مافي اي عصبيه والله وانا احترمك واقدرك ولكن قد اختلف معك في نقطه ولكن ايضا قد اتفق معك في نقاط اخرى كثر انا بعد احترمك واقدرك .. واعتبرك اخووي اللي ماجابته امي .. واحب اقرا ردودك لان هالاسلوب يعجبني ، واما الاختلاف والاتفاق فهو وارد ^_^ ويمكن اسلوبي ينرفزك شوي عند الاختلاف معك وما يناسبك هذا الاسلوب عند الاختلاف بالعكس :: انا اتقبل كل وجهات النظر ، صحيح انه اتنرفز شوي بس اعيد بناء نفسيتي بسرعه ولله الحمد ، وارجع اتمالك اعصابي .. وسسسسسوري لو تنرفزت عليك ، شخص مثلك ينحط على الرآس وماله الا الحشيمه ^_^ لكن واضح ان ماشاء الله لديكي قدرة غير عاديه على تمالك اعصابك وصبرك علينا ومو غريب على بنات الحمايل تسلم ، وماعليك زود ، والله احاول اتمالك اعصابي وداااايم ادعي ربي انه يرزقني بالصبر لان هذه مشكلتي مع نفسي ، بس علم النفس علمنا التمالك نوعاً ما .. ^_^ طولي بالك إبــشر .. وكل عام وانتي بخير

وانت بخير وصحه وسلامه ، ومن العااايدين ان شاء الله

اعتذر عن الاطاله ..

دمتم بود