[سكووت]

غالبا الرفض يكون أولا من الاهل ,ثانيا من عادات المكان اللي تربى فيه ,ثالثا اشوف العادة دي منتشرة بين الشباب و بشكل اقل شويا عند البنات ..
لكن احس في الوقت الحالي بدت النسبة دي تنخفض و سارو بنات قبايل يتزوجون غير قبلي أو غير سعودي بعد ..
الزواج قسمة ونصيب و الحب و المودة و الاحترام الاساس , اما اننا نصنف الناس قبلي او مو قبلي نوع من الغرور من وجه نظري ..يمكن الغير قبلي دا احسن مني ومنك و فاد المجتمع باشياء افضل منكـ , المفروض اني اتفاخر بشخصيتي بأسلوبي بعلمي و عملي مو بقبيلتي ..

والاسوء لمن نتفاخر اننا مسلمين ,ولكن العادات تطغى على تفكيرنا و ننسى انو لا فرق بين عربي و اعجمي الا بالتقوى ,والرسول تزوج بالسيدة صفية والدها حيي بن الأخطل كبير اليهود , و اخت الصحابي عبد الرحمن بن عوف تزوجت بلال بن رباح الحبشي و كان عبد في الماضي ..

يعني والله مايسير نخلي توافه الامور زي دي الاشياء تخلينا نفكر بالناس بنظرة استصغار عشان لقب ينحط بالاخير ..