السلام عليكم ورحمة الله وبركاته
كيف حالك إن شاء الله دائما بخير ؟ ص7
|
عليكم السلام ، الحمدوللله بخير ،
كل ماقلت ثقتك بنفسك زاد تقديرك للاشياء الماديه
|
مو شرط .. وترا في الزمن دا المادة شي مهم
خلاص.. يععععع.. وشو ذاااا.. ملينا .. ما صارت
|
هاااع
ما كتبت هذا الموضوع إلا من بعد ما حامت كبدي من اللي أشوفه قدامي ... ليه المجتمع الحين صاير سطحي بكل ما تعنيه الكلمه ؟؟ أنا أعمم هالكلام على الحريم والرجال بعد بس بعلمكم أو أقصد بذكركم (لأني متأكده انه الكل ملاحظ هالشيء) باللي يصير بمجتمع الحريم بما إني عايشة بمجتمع ستاتي ... لا يقعد ينط على واحد ويقول يا مصلكم يالحريم .. تراكم انتم لاحقينا بعد
|
ايوا .. مو مسألة سطحية ، بس كل واحد او وحدة يفكر بطريقة معينة ، والاهتمام بالشي دا نوع من التفكير وليس السطحية من وجهة نظري .. يعني مو كل الحريم يفهمو في الفيزيا ،، بينما الكتير منهم يفهم في البريستيج حق المجتمع الستاتي على قولتك
ليه الناس صاروا يتكلفون بكل شي .. عزايم .. زيارات .. زواجات .. كل شي بمعنى كل شي؟؟ لو الوحده بيجيها أي أحد يزورها أول شي تفكر فيه وش بنحط ووش بنجيب ... لازم الحلى من المكان الفلاني ... والفطاير من المحل العلاني ... والسكر شكله كذا .. والصينية مدري وشي قايله كل ماهب و دب محطوط فيها ما بقي الا ينثرون على الأكل قليتر من الزبرقه الزايده .. ذاك اليوم أقول لأختي بجيب فطاير من المحل ( ...... ) اللي جمبنا قالت لا وع قروي ... من متى صار الأكل فيه قروي و مب قروي .. سلاماااااااات !! يازين أيام أمي كانت الدنيا بساطة كلن يزور الثاني والعشاء نواشف وان تحمسوا جابوا فول وتميس ... السالفة مب سالفة فقير وغني السالفة سالفة بساطة وتكلف ... وكلش كوم وإذا قال لك أحد والله الناس تقاطعوا هالأيام !!! كل هذا وما تبون يتقاطعون !؟
|
مممممممم شوفي ، كل واحد و مستواه المادي يفكر ، يعني بالمنطق ناس هاي ، يبو يشترو من محل اي كلام ،، و وحدة حالها على قدها ، تروح تشتري من اغلى مكان مسلن ؟
وبعدين شي طبيعي دا انو الوحدة كل ما جابت معناه من كرمها ، عاد كل واحد و نظرتو زي ما قولتلك ، انا اشوف انو التكلف دا من الكرم ، و مسألة الفول و النواشف دي زززمان زمن جدتي و جدتك كانت حاااجة واااو ،، زمنهم كان البساطة و زمننا التكلف ، وبالنسبة للتقاطع كل واحد اشغلتو الدنيا ،
ليه إذا ولدت الوحده صاروا الناس يتنافسون من يجيب الأغلى مب الأحلى ... تلقون إذا الوحده يجيها مدري كم طعش سله من باتشي واللي مثله وسعر السله الوحده ما يقل عن 500 طيب سله سلتين بتفتحهم والباقي حراام وش تسوي فيه ؟؟ .. ليه ما نسوي بيبي شور زي الأجانب وكل وحده تكتب قائمة بالحاجات اللي تحتاجها وتسوي زي الحفله البسيطه يجون فيها الناس منها انها ماراح يجيها هدايا إلا الحاجات اللي تحتاجها ومنها انه تجمع الناس مره وحده وما تقعد استقبل وودع طول فترة النفاس .. أكيد الناس بيستصعبونها بالبداية بس بعدين عادي بيتعودون عليها زي الحاجات الكثيرة اللي استنكرناها بالبداية بعدين صارت عادي
|
برضو قولتلك دا من الكرم ، وكل وحدة تبا تحاول تكون الاحسن ، ممممم و بالنسبة للبارتي دا حق النونو ممممممم عادي احنا الوحدة لمن تبا تولد تعطي خبر بالاشياء الي تحتاجها و الناس يجيبوها لها ، وموضوع النفاس دا انا مستغربتو اصلن ، اشوف الناس يعملو غرفة خاصة حقت النفاس و يستقبلو فيها الضيوف !!
ليه البنات صايرين ماصلين وسوالفهم مره ماصله ؟؟ أكبر همهم فلانه وش لبست .. والمحل الفلاني وش نزل .. يااي مره حلو الفستان عليك ... كلنا بنات ونحب هالسواليف بس مب عاد تصير اكبر همنا !! من متى الوحده حتى لو لابسه شي يحوم الكبد بس عليه اللوقو حق الماركه يصير كشخه كننا مشفح
ولو وحده لابسه مرتب وألوانه حلوه بس مب ماركه تطلع قرقر .. ما أتذكر قبل 10 سنين كنا نفكر كذا أبدا .. وأكبر دليل على هالشي ان السعودية إذا جت تشتري شي ماركه معينه أهم شي عندها ان اسم الماركه مبين و وش كبره يعني مو شاريته علشانه حلو بس علشانه الماركه الفلانيه ... حتى الصغار صاروا لازم يلبسون ماركات لو سمحتوا والمشكله الأعظم انه تلقين البزر توه ما فقش من البيضه ويقول ترى البولو حقي من رالف لورين!؟
|
اصلن قبل 10 سنين ما كان في غير العيسائي هو الواااو
مممممممم عاد انا عن نفسي يعني احوب البس الشي و يكون عليه اللوقو على قولتك ، وهم الشي البسيط و السادة ، وبس عليه اللوقو هههههههههه وما احس نفسي ( ماصلة ) ممممم والبزورة هههههههههههههههه زي اخوية يناسو عليه يقول انا ما احوب البس الا من ( polo )
مممم وكل واحد حر كمان في لبسو نبا نقول دا ليه مهتم في الماركة و ما يهتم بالشكل ؟ كل نفر و تفكيرو كيف ههههههه
يعني المقصد انو لو انتي ما تفكري كدا ، غيرك بيفكر كدا ، وانا عن نفسي ما اعتبرها سطحية ، ولاكن اعتبرها ميول
ليه البنات بايعين صورهم بتراب .. مسنجر .. فيس بوك ... تاقد .. وغيره وغيره .. يعني خلاص إذا حطيتي صورتك صرتي مودرن وكول ؟ وإلا كلش كوم وإذا جت وصورت يدها ولا رجلها ولو سمحتوا لازم تكون ماسكه بيدها شنطه ماركه .. هو الأساس بالصوره إنك تورينا يدك ولا الشنطه؟ ما أدري نضحك على تطليع اليد ولا الشنطه !؟
|
هههههههههههه في دي انا معاكي مسألة الصور وكدا
بس في بنات راضين بالشي دا وهم حرين
ليه البنات بالمنتديات سبحان الله أكثرهم مصيفين بباريس وعندهم كلب ( لو سمحتوا ترى البسه موضه قديمه) وسياراتهم مرسيدس وينادون أبوهم وأمهم بابي ومامي ؟؟ ترى مره صدقناكم !!
|
ههههههههههههههههههه ايوا عاد المنافقين كتير
بس ممممم بالنسبة لماما يعني عادي خلي الناس يقولولها لو يبو يتدلعو شوية
ليه الحريم صاروا يحطون ميك أب بالعزاء وشو ذا استغفر الله ... حطي بشفايفك مرطب ورتبي نفسك شوي ما أقول لا بس تجين بروج فوشي ولا مناكير أحمر ... استحوووو خييييييييير
|
ههههههههههههههه ازيدك من الشعر بيت ، كمان في حاجة اسمها ميك اب عزااا ،
عمومن عادي لو ايش الوحدة لبست ، ولاكن احترام لاهل العزا ورأفة بمشاعرهم ، احنا سودنا الدنيا ولازم نروح و احنا مهتمنين نفسنا ، ولمن يشوفو وحدة بريستيج ، الكل يبحلق فيها ، مع انو مافي نص من الشرع يقول ، لازم الحرمة تبهدل نفسها لمن تروح عزا !!!!
ليه الوحده تقعد الليل كله لميييييين تطلع الشمس عالنت وتستخسر انها تصلي 10 دقايق قبل الفجر تدعي ربها فيها ؟؟
|
يا لطيف ،
ليه الوحده صارت كل ما كبرت تكشيرتها وناظرت الناس بطرف خشمها صارت رزه و واو .. والوحده اللي تسلم على اللي ما تعرف ولا عالأقل تبتسم قدامه مخفه ولا معجبه باللي قدامها ... الرسول نفسه اللهم صلي وسلم عليه قال وتبسمك في وجه أخيك صدقه .... بس فيه أحد يسمع ؟؟
|
هههههههههه يؤؤؤؤ والله اكره الناس اللي زي كدا ،
من جد لازم الابتسامة والوحدة تاخد و تعطي مع البنت التانية حتى لو ما تعرفها ، ولا انو نطالع لبعض من فوق لتحت و نشمق هههههههههههه
ليه الوحده إذا انعزمت على زواج صديقة صديقة صديقتها تدفع 500 1000 أو أكثر بعد على تسريحه بتقعد ثلاث ساعات هذا إن طولت بالزواج وتستخسر تدفع 100 ولا 200 على صدقة ؟؟ الناس قاعدين يموتون جوع وحنا قاعدين نضيع فلوسنا على حاجات سخيفة
|
ممممممم عاد برضو في التساريح الغالية و الرخيصة و المعقولة ، وكل واحد بكيفو يدفع ، اما الصدقة ، فمالمفروض اللي يدفع كدا في تسريحة ما يستخسر يدفعها في صدقة ،
ليه بالزواجات كل وحده تناظر الثانية من بعيد وتقول ماني قايمه أسلم ليه ما هي تجي تسلم علي ؟؟
|
ههههههههههههههههههه دي حركات الحريم
بس والله انا لمن اشوف احد اعرفو ، خلاص اقوم اسلم
محا ينقص مني شي
المشكله لو تسألون أي أحد عن للي صاير بيقول انه مو عاجبه الوضع بس كلن يجاري الثاني ويقول مابي الناس يصيرون احسن مني انا وش ناقصني بعد. لازم أحد يبدا ويسوي شي لأن الوضع صاير من سيء لأسوأ
|
ايوا ههههههههه وانا وحدة من دول الناس ، بس مو كل شي راضية عنو طبعن ،
متى بنغير اللي قاعد يصير إذا كان الكل ساكت
|
قال تعالى : ( ان الله لا يغير ما بقوم حتى يغيرو ما بأنفسهم )
رهف