[* تركي *]

/


- رَهف ، يَبدو إِنك لـِ سببين رَئيسيين لآتريدين التعمق في علاقاتك مع الاخرين ، على حسب ما فهمت من كلامك فـ هـ السببين :-

* حآسة بـِ الحزن كل مآ سمعتِ مشآكل الي حولك وَ بـ التالي تطفشين وَ تملين وَ تفضلين تكوني وحيدة أحيان وَ أحيان كثيرة مع أهلك وَ المقربين منك مرة.

* مآتبين تربطين نفسك مَع الاخرين. فـ لو صآر عندك صديقات مآتبين مثلاً يكون إلزامي عليك تسألين عنهم وَ تسمعين منهم وَ تشاركينهم. تَبين تكوني حرة أكثر.

- أنآ أقول إن هـَ الشعور شعور طبيعي جداً إذآ له فترة بَسيطة وَ يروح يرجع يختفي. زي مثلاً كلنا نشعر بـ هـ الإحساس وَقت الضغط وَ التعب وَ الإرهاق. لَكن اذا تبدلت الأمور وَ صرنا مبسوطين أكثر ، نحصل أنفسنا فجأة نرجع لـِ تكوين العلاقات من جديد. لكن إذآ كان هـ الشعور يلازمنا لـ مدة طويلة وَ كل مآله يكبر ، فـ أكيد فيه شيء.

- سَببك الأول أنآ اشوف ان فيه كثير من التشاؤم. عند أي علاقة أي صداقة حاولي تخلين نفسك تشوف الجوانب الحلوة الجميلة. يعني مثلاً أول لقاء لك مع صديقة (بنك بيري). عجبتك البت مظهرها كلامها شخصيتها ، كل ذا اتفق معك انتِ. هنا انتِ ودك تتعرفين عليها أكثر ، لكن سببك الأول يمنعك ، فـَ لا توقفين مستسلمة ، وتفكرين في انه لو تعرفت عليها اكثر رآح أفتح لنفسي مجال لهمومها ومشاكلها كون ان الصداقة تلزمني ذا. لكن خليك العكس ، تعرفي عليها عادي جداً وَ احتكي فيها أكثر تستفيدين منها تستفيد منك حاولي تبرزين الجوانب الجميلة في علاقتكم وفي كل شيء.

- السبب الثاني ، كلنا نشعر زي كذا. وَ لا تفكرين من هالناحية أبد. خلي العلاقة تاخذ مجراها الطبيعي جداً ، لآ تلزمين نفسك بـ مسؤوليات وتعتقدين بنفس الوقت انه لازم تسوينها. خليك عادية جداً ، إذا قصرتِ ، رآح تعاتبك صديقتك وَ اذا قصرت اهي راح تعاتبينها انتِ وكل شيء يمشي مثل ماهو طبيعي.

- آخر شيء ، انتِ قلتِ انك اجتماعية وهذا يعني انه انتِ تتقبلين التوسع في العلاقات ، لكن التعمق فيها لأ. كـَ حل بسيط حاولي توسعين علاقاتك في الجامعة وَ مبدئياً خليها سطحية. مع التوسع هذا انتِ ممكن تكتشفين بنات قريبين من تفكيرك من صفاتك ، هذول اختاريهم بعناية وَ حاولي تتعمقين أكثر معهم (مع عدم التفكير في السببين الي فوق). وَ أحيان يـ رهف التوسع في العلاقات يجعل الاخرين هم يـ الي يجون عندك و يبون يتعمقون معك أكثر. يعني التوسع شيء جميل فيك كون انك اجتماعية. فـ حاولي تستغلين هـ الشيء.




::