[LeLou]

أهلا ماجد..
بصراحة حزنتني من جد..

بس لا تكدر خاطرك،، ما أنكر أنه في بنات كثير يعرفوا شباب و يكلموا شباب و يطلعوا و ما إلى ذلك..
لكن في المقابل في كثيييير ما قد عرفوا رجال في حياتهم و أنا أعرف كثير زي كدا..
يعني مو الكل كدا و لأنه هذي الشريحة مخالفة للدين و الشريعة و العادات تلاقي الأضواء مسلطة عليها فتحس أنها أكبر من حجمها..
أنا ما أبغى أقول أنهم قليل لكنهم مو الوحيدين في المجتمع و كون الأضواء مسلطة عليهم تجعل الناس تنظر إليهم دون البقية..

و إنت ادعي يأنه ربنا يرزقك بنت الحلال و ربنا يدي كل واحد على قد نيته،، و ربنا قال: "أنا عند ظن عبدي بي"
من جد الواحد كل ما كانت نيته كويسه ربنا راح يوهب له الشي الكويس،، و لما تكون نيته سيئة راح يجي له كل ما هو سيء..
و ما تعرف ممكن تجيك واحدة ما تكلم شباب و لا شي لكن تجننك و تطلع لك غابات في راسك..
يا كثر ما أعرف بنات الله يهديهم ما أعرف أيش اللي يبغوه و لا ليش يسووا في رجالهم كدا..
فهذا الشي مو هو الحد الفاصل بين كون البنت كويسة أو لا..
فالعبرة كمان في طباع البنت..
و هذي النصيحة موجهة لجميع الشباب طبعًا..

بالنسبة للأسباب اللي تخلي البنات يرتكبوا هذا التصرف ماني حابة أتكلم عنها لأني مصدعة و ما في حيلي..
بس لي باك إن شاء الله و راح أجننكم خخخخ..