[RHF]

للاسف بالنسبة ليا دي حقيقة انا ملتمستها في المشايخ و الملتزمين ،

اما بالنسبة للعريفي ، مو عاجبو البرنامج لا يتابعو خليه في برنامجو اصرفلو

يقول / البرنامج مشوه صورة المشايخ ؟ طيب البرنامج بيعرض بعض حالات المشايخ ، ومو كل المشايخ كويسين

واي شخص شايف المسلسل غلط و فيه اي استهزاء في ( الدين ) لا يتفرجو

ولو اني مني شايفة اي نوع ( استهزاء بالدين ) ولاكنو برنامج اجتماعي بيعرض اشياء حقيقة ، وللاسف ما اعتقد انو نقدر ننكرها ،

برنامج فيه شفافية ، سواء كان عاجبنا ولا مو عاجبنا ، دا اللي بيسير في مجتمعنا

الحلقات الممنوع لم يتم عرضها

غير كدا الباقي مني شايفة فيه شي غلط

ما تم الاستهزاء بشيخ معين ، ولا بالدين ،،

ولاكن دي اشياء حاصلة هم بيعرضوها في المسلسل حقهم

وبعدين الحلقة الاولى ، حاطين كانو صوت الملك عبد الله ، يطولنا عمرو ،

كان بيقول انو لحد يقول سني شيعي ليبارلي << مني فاكرة الكلام بالنص ولاكن جابو صوت الملك وهو يقول الكلام دا في نهاية الحلقة

لمن متى نقعد نقول دا سني ودا شيعي ودا ليبرالي

كل واحد دينو لنفسو ،ويا كتر المنافقين

امكن البرنامج ساير سخيف و تافه ، وحلقاتو بلهة و سارو سامجين ،،

لاكن ما توصل نقول استهزززززززززؤو بالدين و المشاااااااااااااااااااايخ ونقااااااااااااااااااطعو

معليش يعني ، البرنامج عرض واقع مرير ، سواء مشايخ او غيرو ،

وانا اشوف انو ما استهزأ بالمشايخ ، ولاكن عرض ايش بيسير من اغلاط من ناحيتهم

وكلنا بشر و كلنا نغلط

ما كنت حابة ادخل في نقاش في دا الكلام ولاكن عمومن دا رأيي الخاص وحبيت اطرحو