[LeLou]

و عليكم السلام و رحمة الله و بركاته..

أنا صراحة ما أعرف أيش أقول..
اليوم << أو خلاص صار أمس خخخ..
جا واحد شاب يسأل و باين عليه عمره ما بين 18 إلى 22..
لسا النساء و الأطفال أنا بالنسبة ليا أرحم لأنهم مهما كان وضعهم غير..
أما إنت شاب و بصحة جيدة ليش ما تروح تشتغل لو عامل في سوبر ماركت،، سكيوريتي تحصل لك مبلغ لو حتى 500 ريال أفضل من سؤال الآخرين..
أنا ما أعطيته غير لوجه الله و لأننا في شهر كريم و الناس صايمة و الحر شديد و انا كنت تعبانة و دايخة و حالتي مؤسفة و قلت يمكن هو أشد تعب مني..
و قلت أجر و اجر الصدقة عظيم و لكن بعدين فكرت و قررت أسأل شيخ فدا الموضوع إللي هو حكم إعطاء الصدقة لأشخاص قد لا يستحقونها..

الله سبحانه و تعالى قال:" للفقراء الذين أحصروا في سبيل الله لا يستطيعون ضربًا في الأرض يحسبهم الجاهل أغنياء من التعفف تعرفهم بسيماهم لا يسألون الناس إلحافًا"
فإن سأل و له ما يغنيه عن المسأله فقد ألحف في المسألة..

أنا أحس أنه ما ينفع لكن برضو أقول مو أنا اللي أحكم أنا ما أعرف الغيب و لا أعرف هذا الشخص ليش قاعد يسأل،، وإذا هو مو مستحق ربنا أعلم و حسابه عند ربنا..

بجد أنا هذا الموضوع اليوم كنت قاعدة أفكر فيه و سبحان الله لقيته هنا..

قبل فترة الترم الماضي و أنا جاية الجامعة لقيت واحد عند الاشارة إللي عند البوابة الغربية طفل عمرة قد لا يتجاوز 10 سنوات و قاعد يسأل عند الإشارة..
أنا (( و أعوذ بالله من كلمة أنا)) و مو قصدي المن و الأذى و لا الفخر،، ما أرد أحد يسأل غير فيما ندر..
في ناس أعطيهم من غير ما أفكر و في ناس أقول استغفر الله العظيم لولا الخوف من الله ما أعطيهم..
و الواحد الأيام دي صار مو عارف مين اللي من جد محتاج و مين اللي ممتهن التسول كمهنة..
هذا الطفل مو المفروض دحين يكون قاعد في المدرسة يتعلم عشان يجيب شهادة تسمح له يتوظف أو على الأقل يخلوه يشتغل بأي شغلانة لو يبيع لبان اسمه اللي يعطوه الفلوس مو لانه قاعد يسأل..
نفس الطفل شفته مرتين عند الإشارة..

من جد أمر مؤسف..

أعتذر على الإطالة بس من جد أخ صقر الشمال إنت حطيت يدك على الجرح و على موضوع أنا قاعدة أفكر فيه..

آسفة على التطفل على الموضوع..

و رمضان مبارك علينا و عليكم~