[ساكو]

وعليكم السلام والرحمه
اهلين عيووني .. شووفي ياقلبي
احيان نقول حنا نتعب ونذاكر ووو ونجيب درجات مش ولآبد
وممكن نرمي اللوم ع الجامعه والكادر بس اذا جينا للجد كله من يدينا واللي نسويه
ننام طول السنه وقبل الاختبارات بأسبوع نجي نفتح الكتب ونسهر وندخل الاختبار
تعبااااانين .. ماقولك انا دافوره وجايبه الفل مارك بس انا كذا برضوا انام واخر السنه ابغى اكون خلصت
كل شئ وآخذ الفل مارك بالراحه .. لا ياقلبي
اللحين ومن اليوم اعرفي وش جدولك رح يكون السنه الجايه ورتبي امورك من اللحين خذي اطول ماده
وامسكي ورقه وقلم ولخصي اهم النقاط والعناوين ماقول ذاكريها بس ع الاقل اعرفي عن الماده لو قليل
اعطي نفسك فرصه بكل ماده شهر , وقدامك وقت طوووووووووووووويل
السنه الجايه اختبارنا بيكون ان شاء الله اذا كنا من الأحياء بشهر 2 يعني من هالشهر باقي 6 شهور
لو تمسكين كل شهر ماده وتلخصينها وتعتمدين تلخيصك انتي وتجمعين ملخصات واسئله الاعوام السابقه
وترتبينها وتذاكريها وقت الاختبار مو أحسن ؟
بتقولين ابغى انبسط وارتاح بالعطله ايه انبسطي هذاني اقولك ماده بكل شهر واتوقع بتخلصين بأقل بس عشان
ترتاحين .. تتعبين اللحين وتتضايقين بس فكري كلها سنه سنتين وترتاحين وتحسين انك تعبتي ولقيتي تعبك
لا تفكرين تتركين الجامعه لأي سبب كان , الانسان يفشل طبيعي جدا بس لا نستسلم للفشل ونرمي اللوم ع الآخرين
ما أكذبك بس صدقيني لو كنتي مذاكره زين ومرتبه وقتك ماكنتي جبتي هالمعدل .. حنا نذاكر صح
ونتعب صح ونسهر صح ونصرف وقت وجهد بالجنون بس عقولنا وين ؟
لازم نرتب وقتنا وكل امورنا ونجتهد بكل شئ يصير بمصلحتنا والله يوفقك عيوني طولت عليك ان شاء الله مايضايقك كلامي :)