السلام عليكم ورحمه الله وبركاته
بمناسبه العيد احب أقول لكي أختي كل عام وأنتي بخير ....
أما بالنسبه للموضوع فهو بصراحه موضوع حلو
... ونبدأ نجاوب على أسئلتك ( الله يعين
)..
1) أسعد مرحله دراسيه هي ثالث ثانوي لأنها كانت انواع الوناسه والفله
. أما المرحله اللتي كدت تقضي علي فهي بعد ثالث ثانوي الله لا يعيدها لأني ما جبت نسبه الترم الأول وتحطييييييم بس الحمد لله بيضتها وجبت نسبه حلوه الترم الثااني
...
2) والله بصراحه اليوم الدراسي كله على بعض ينغص على حياتي لأنه لازم نروح بدري ونصحى بدري وألتزام ورفع ضغط وناس تشوفها الصباحه تقطع الرزق اعوذ بالله منهم ( بس كانت وناسه ) بس أنا كانت حصص مواد الدين ترفع ضغطي مهب علشان الماده لكن على شان مدرسينها اللي كانوا دايم يظلموني ما ادري ليه
, مع أني والله كنت أحفظ القران وأجي أسمع له ويقولي المدرس (الله يقطعه
) أذا أغلطت بكلمه او كلمتين: يقولي أنت كذا كافر لأنك حرفت بالقرآن والله أنه ما يعرف الباء من التاء عشان يسمع لي هو ووجهه
. ( بعد هذا كله نقول جزاهم الله خير خخخخخخخخخخ)
3)والله ما كان عندي ميزه ولا ششي بس بصراحه كانت ميزتي بين طلاب المدرسه كلهم أني أنا آخر واحد يدخل للمدرسه(هذا من الشطاره اللي فينا
)....
4)وين وين وين معارك وش قالوا لك حنا عشان تصير معارك والله اول ما تدخل الفصل تلقا نص الطلاب نايمين ونصهم يسوفلون مع بعض كأنهم جالسين بقهوه .
5) والله أنا أشوف انه بالعكس أحسن شي في أيام الدراسه ( في المدرسه) هي أيام الأمتحانات ..
6)والله أحسست بهذا الأحساس في ثالث ثانوي بعد ما أستلمت نتيجه الترم الأول وطلعت النسبه اللي عن جد سدت نفسي عن الدراسه وكنت أبغىة أعيد السنه بس الحمد لله عقلت وكملت وجبت نسبه حلوه الترم الثاني ..
7) والله يا أخت أميره النوم بالنسبه لي يهاجمني في أي حصه حتي في حصه الرياضه بعد خخخخخخخخخخ, بس كنت أقدر أقاومه إلا في حصه الاحياء يعني بصراحه كان المدرس إذا دخل للفصل والله يجيني نوم مهب طبيعي وإذا صحيت ( تنبهت في وسط الحصه ) ألتفت ادور عن ناس ناجين من هذا المدرس والله يمكن يبقى 5 او 6 طلاب صاحين والباقين
نايمين ...
8)تأشيره خروج نهائي : النحو والصرف لأني ما ادبر فيها أي شي . وقبل كل أختبار لازم نزبط الجيران
والكيمياء .
منع من السفر : الرياضيات والفيزياء لأني أحب هذي المادتين وأشوفها ممتعه.
شهاده تميز : اللغه الانجليزيه لأنها أسهل ماده مرت علي بصراحه .
سور الصين العظيم يمكن الجيولوجيا لأنها ماده أحس ان اللي ألفها جالس يكذب على العالم والناس تصدقه
..
أما برج بيزا المايل يمكن يمكن الأحياء .
9)والله ما فيه إلا مدرس واحد قاهرني ليومكم هذا من يوم ما كنت في ثالث إبتدائي والله كان ما يستانس إلين ما يضربني هو ووجهه الله ياخذه وين ما يكون
....
متأسفين لأننا خرجنا عن السيطره
10)أوووووف والله يا أنا كنت أدعي عليها بس خليها على ربك ..
11)أما من ناحيه وش أسوي بالطلاب اللي قلتي عليهم :
أميره كل ما ادخل للفصل أخليها توق على عند السبوره على رجل وحده وترفع الثانيه ( لأنك ترشحيني لكرسي التحقيق
)
ديفل أخليه عريف الطلاب عشانه ما شاء الله عليه عضو نشيط يعني اكيد كان نشيط بايام المدرسه ( ولا لأ يا ديف
)
ناصر هذا ما أقدر أقول له شي أخليه يسوي اللي يبي , لو يبغى يبيع بالمقصف عاي ما أقوله شي ( لأنه المدير العام هنا) ههههههههههههههههههههه
خالد والله ما ادري وش نسوي فيه بس المهم انه يعيني مو بعيد عن ناصر يعني تحت المديير على كذا نخليه اللي يوزع الأكل حق المقصف وناصر هو اللي يجمع الفلوس خخخخخخخخخخخخخخخخخخخ
مشاعر حائره والله أنا أتوقع لأو اننا نخليها هي اللي تصلح شكشوكه وجبنه بالمقصف مع خالد وناصر هههههههههههههههههههههههههههههههههههههههههههههههههه ههههه والله بيطلع لهم مكسب بعد الفسحه ...
أما توتي هذا الله يعينه راح أخليه بشي يكرهه
راح أخليه مدير المرسه او مدير التعليم خخخخخخخخخخ انا أعرفه يكره المناصب ....
الرياده راح أخليه رئيس جماعه التوعيه الألاميه لأنه مشرف القسم الأسلامي عندنا هنا
وفي الاخير أرجوا أن تقبلوا شكري وتقدير , وأرجوا المعذره أذا كنت أخطأت في حق أي أحد
ودمتم سالمين
مشـــــــرف المنتـــــــدى العـــــــــــام
ttotti20