[فواز اليامي]

السلام عليكم ورحمة الله وبركاته ....

الصراحه ما أدري وش أقول لكم يا أنه الحظ او ذكي فوق العاده هذا الترم نزلت سبع مواد مره واحده وهي كما يلي : الثقافة الاسلامية 2 ، الخدمة المدنية ، السياسه العامة وصناعة قرار ، القانون الاداري ، محاسبة حكومية ، اخلاقيات عمل ونظرية تنظيم ،

ما فيه ولا ماده طلعت وأنا متأكد إني حال زين الا مادة وحده وهي الثقافه بس تفاجئت بدرجات مدري من وين جايه صراحه ، بالعلم إني ما أذاكر الا قبل الاختبار بيوم يومين بالكثير ولا أشتري مذكرات الا لما أكون بجدة ، لكن جايه مع الشغله اوكيه وخصوصاً هذا الترم ، واحس إن الدرجات هاذي مو لي خصوصاً إني إكون بجنب واحد من الشباب متعباً نفسه ويذاكر ويستعد للإختبارات قبل شهرين ، وأجلس جمبه علشان أغش وأتفاجئ انه حامل مادتين وأنها معدي كل المواد ويقول يا فواز يا أما أن ذكي والا لك علاقه بالدكاترة مجننه أنا ما أذاكر نهائياً وأصيح كل ما طلعت من إختبار شوفوا كم جبت في المواد :


وطار المعدل فوق فوق فوق والحقيقه إني منصدم في نفسي وداخل أزمة نفسيه وأتسأل هل أنا ذكي او الحظ او ماذي بدرجاتي ، من أنا يالربع