وعليكم السلام ورحمة الله وبركاته ^^
هلا باختي مصرها على قرارها ^^
ماشاء الله تبارك الله موضوع رائع وكتابة رائعة من انسانه متميزة ^^
...
اختي قيرت سستر
اختي صوت الفجر
اخوي احساس ناجح
اختي نوره الغامدي
اخوي قوربتشوف
الله يبعد عنكم الحزن وياجعل ايامكم كلها سعادة والحمد لله على كل حال واهني اخوي احساس ناجح على الروح اللي يمتلكها ماشاء الله تبارك الله ^^
..
بالنسبه لي الحمد لله ممكن الألآم اهون من الكثير
الحالة الاجتماعية و وضع الوالد كان على المحك مادياً واحياناً قد يكون معدوم و تعرفين عين الازدراء خاصه من الجماعه والاقارب وكان ينقصنا شي كثير حتى اشياء اساسيه جداً ماكانت في بيتنا واحيان نروح للمدرسه بدون مصروف ^^
اشتغلنا انا واخواني وحنا صغار وصرنا ندرس ونشتغل وفي الصيفية كل يومنا شغل في محلات الخضار
ممكن ماتهنينا بالطفوله كثير لكن مرحله كونت شخصياتنا وافتخر فيها كثير
طبعاً الى ان وصلنا الثانوي كان ودنا نكمل الجامعه في وقتها لكن الظروف صعبه جداً
الحمد لله توفقنا وحصلنا عمل مناسب وصار فيه اعمال حره والحال تغير ياربي لك الحمد
وهالحين طالب جامعي ^^ والطموح كبيييير بأذن الله ^^
انا عارف حالتي ماره على الكثير ^^ يمكن الحال اول يختلف والناس اكثرهم معدوم ^^
لكن اليوم انزعج اذا شفت فقير في اغناء دول العالم !!
يكفي فساد ويكفي اكل اموال الناس بالباطل !!