[نضال]

الحمد لله على نعمته علينا ..

دكتور عبد الباسط الصيني كان يكلمنا عن المجاعه اللي حصلت في الصين و هيا اكبر مجاعه في التاريخ .. لدرجة ان دي المجاعه اثرت في الثقافة الصينيه , و صاروا ياكلو بعدها كل شي ... حتى الكلاب الله يعزكم صاروا ياكلوها ..

واحد من اجداد الدكتور عبد الباسط شاف بام عينه منظر لولد ينتظر ابوه حتى يموت ,, و بعد ما مات طلع كبد ابوه من احشائه و اكله ني !!!!

شوفوا الجوع اللي يخلي الواحد ياكل لحم ابوه الني !!!

بعض الصينيين اللي عاصروا ديك المجاعه اكلو لحاء بعض الاشجار الجافه بعد ما اضناهم الجوع .. سوء حظهم انهم شربوا موية بعد ما اكلو دا الحاء .. اتشرب اللحاء الموية في بطونهم .. و صاروا يشتكوا من الآم رهيبة ,, ماتو بعدها لان امعائهم انفجرت !

ديك المجاعه كانت فعلا مأساة ,, لكن قليل مننا سمع او قري عنها ..

من فترة ,, و الكلام تابع لدكتورنا العزيز ...

جا واحد من الصينيين للحج , فالظاهر ان الشرطة مسكته في مكة بسبب مشكلة ما اتذكرها و حطوه في التوقيف ...

بعد ما طلعوه من التوقيف الرجال صار يبكي !!!!

يبغى يرجع التوقيف !!
لما سألوه ليه ؟؟ قال انا كنت في نعمة هناك .. الاكل كتير و كل شي كان متوفر !!!!

قولوا الحمد لله ...

الادمي دخل التوقيف حقنا و شاف فيه خير و نعمة ههههههههههههههههههههههه

الحمد لله
الحمد لله
الحمد لله