تورس مشكورة على مرورك
ويمكن انتي اكتر وحدة حسيتي بالكلام لأنك مجرباه معايا
إذا كانوا يريدون إيقاظ الهمم فلماذا لا يتبعون سياسة الترغيب لماذا لا يزرعون الأمل داخل نفوسنا التي تعبت من كلمات الإحباط...
|
هوا دا اللي نحتاجه
نضال اشكر مرورك وتعليقك واشكر ليك مساعدتي قبل ما انزل الموضوع
انا معاك في انه الثقافة في زمنهم كانت محدودة و الوعي كان غائب
و الدليل على كدا الأفكار الغريبة اللي نسمعها من جداتنا
و معتقداتهم
انا اشوف ان معيد اتعين في الجامعه دا الترم افضل و اكبر علم من معيد اتعين في الجامعه قبل عشرة سنوات
|
مش شرط بس هيا مسألة فرص و نصيب
واحنا ما نقلل منهم بالعكس فيهم الكتير الكتير اللي نتمنى نكون زيهم
عاشق
مشكور على تشجيعك و كلامك
احيانا اشعر ان الجيل القديم يغار من الجيل الجديد
حيث انه لو توفر لهم ما توفر لنا لاستفادوا منه اكثر منا ( احتمال كبير )
|
انا برضه لما كتبت الموضوع وريته لنضال وكنت كاتبة انها ممكن تكون نقمة الغيرة و الحسد بسبب اللي اتوفر لنا
الحمد لله كثير منا أثبتوا ذاتهم
وأفرح كثيرا حين اراجع دائره حكوميه او جهه رسميه واجد المسؤول عنها شاب بعمري وعمرك اختي
ولسنا بحاجه لدعم من سبقونا بقدر ما نحتاج لفرص لاثبات هذه الذات
|
وهذه الفرص يا عاشق مش مصدرها الجيل اللي قبلنا؟؟؟
اوكي الفرصة ما راح تجيني ولازم انا اللي اسعى لها
بس برضه مساعدة اللي قبلنا تهم و بلاش تكون مادية تكون معنوية بالتشجيع بالكلام الطيب زي ما سبق و احد الأعضاء رد في الموضوع
هنا انا أخالفك سيدتي
الطريق الصحيح واضح للجميع ولا يحتاج لمن يدلنا عليه
فقط نحتاج لمن نستفيد من خبرته في هذا الطريق
|
انا كمان اختلف معاك
الطريق الصحيح مش واضح للكل مو كل انسان يا عاشق يعرف مصدر الإبداع عنده فين, البعض بجد يحتاج يندل
الأم لما تلاقي في ولدها وهو صغير موهبة ( و هو لا يدركها طبعا ) وممكن تفيده في المستقبل و تفيد غيره وما تنميها فيه وما تساعده على ممارستها مو تكون ظلمته؟؟؟؟
و طبعا الخبرة مهمة زي ما اتفضلت
اشكر جميع اللي ردوا على تفاعلهم
سلام