[سمية السلمي]

عسى مازعلتكـ البارح وزودت الجراح ..جراح
عسى مامرت الدمعه على اهدابكـ من اسبابي
جرحتكـ من كثر شوقي وخليت الكلام رماح
ولا أدري شلون ,,ياعمري,, طعنتكـ حيل بعتابي
بدون شعور صدقني ,,ترى كثر ,,الغلا,, ذبآح
تعال وشوف بغيابكـ غلاكـ ,, شلون سوى بي !!
حرام تغيب من عمري وتعطيني الفراق وشاح
حرام الدمع في عيني مناديله هي ,,اهدابي,,
غيابكـ,,,يشعل عيون الزوايا وامتلى اشباح
وانا انثر صوتكـ بقلب المكان واشعل ابوابي
تلفت للامل دام الرجا في عمري المنواح
اناديلكـ ولو شرهت وصولكـ تقطع اعصابي
أبيكـ الباقي من عمري ,, انا ماابيكـ شي وراح
مدامكـ أجمل واخر مدامكـ اول احبابي
ابي ارتاح ياعمري .. وانا ادري هم تبي ترتاح
تعال وقبل ماافرح ترى تفرح بكـ ثيابي
أحبكـ ,,يابعد عمر الحزن والجرح والافراح
أحبكـ,,كثر مانامت عيونكـ داخل اهداابي