وينك عسى ما شر
يا غايبه راح الشتاء واقبل الصيف
اسهر مع طيفك وغيري ينامون
غبتي وغابت فرحتي والسواليف
وشلون ما تبغيني اكون محزون
ضاقت بي الدنيا ولا جت على الكيف
حالي غدا كما حال مسجون
اصبحت انا والشعر مواليف
مجنون والله طيحه عند مجنون
أهيم بالاودس والصفحات المعاريف
عادة مجانين الجامعه يهيمون
كتبت فيك اشعار من دون تزيف
اجمل مشاعر صاغها فكر مفتون
شعري سلس ما يكتبه دايم السيف
ولا كتب مثله خلف ولا ابن لعبون
ما علموك ان اهل باريس وجنيف
صاروا اذا سمعو قصيدي يغنون