رد: ~¤ô§ô¤~أنثــى حـآلمــه~¤ô§ô¤~
اشتقت اقـضي الجمــعه مع أهـلي
اشتقت لقومتنا من الصبح بدري
أشتقت لمتنا ع الفطور
اشتقت اسمع اصوات الخطب في كل مكان
المساجد القريبه والتلفزيون والراديو....
ولا شوفة ابوي وهو كآشخ
والوآلده تبخره...
اشتقت لريحة القهوه ولمتنا عليها
اشتقت لاختي يوم تقول اكثر شيء يخرب صفو اليوم...
والكل يستمع لها بانصات وشوق لـ تكمل كلامها
وتكمل وتقول (ان بكره مدرسه)....»«
ويقومون عليها كلهم الي يضرب
والي يرمي عليها شيء
اشتقت لوجبة السمك كل جمعه...
اشتقت اشوفهم كل وحده قرآنها في يدها تقرى الكهف
ولا شوفتهم قبل المغرب كل وحده مستقبله القبله
تدعي ربها في آخر ساعه....
اشتقت لاخواتي بعد المغرب كل وحده
تروح تفتح كتبها وتعلق ع باب الغرفه ممنوع الازعاج....
اشتقت لما الف عليهم بالدور واسولف عشان اتهرب من الدراسه
اما الوالده وقتها يفضى لها الجو تجلس مع الوالد
ويجلسون يدعون لنا بالصلآح والتفوق والنجاح
احبـــــهم وأحــــب لمتهم =(
آآآآآخ بس ...كآنت ايـآم حلوه والله
يــآآآرب بس ارجع للسعوديه قريب....
|