[.,.نيــــــــــــــــــــران.,.]

مريت مكان ربانا
كنت انا وأنت نلعب سوى
وأسرق لعبتك وأخفيها
وتأتيني عيونك بــ لهفة
تسأليني /
وعلشان تعرفين صدقي
أبحث عنها معك
بكل الزوايا
وكفك بــ كفي
ويطول وقت بحثنا
وننسى
وتضيع أوقاتنا بـــ لعب جديد
يا وقت مضى
بــ ترجع
يوم واحد علشاني
يوم واحد
بس علشان تدري
اني أنا اللي يخفي لعبها
وأعترف أن كله من شغفها
يوم واحد
وأقول
كنت أحبك
رغم الصغر
كنتِ بعيوني دنيتي
تشرق شمسي بعيونها
وتغرب بــ جدايلها
راحت
ما عرفت
وش كثر كنت أشتاق لضحكها
ولا لحظات غضبها
يا بيت الذكريات
تكفى
إذا يوم مرتك
خبرها عني
وعن شوقي لها
وإلا أقول
لا تقول لها شيء
هي تعرف
لأنها وفيه
ومهما إبتعدنا
ما تنسى
كون تنسى الشمس
وقت شروقها

/
\
/
\
/
\
/
\
/
\
/
\
/