[حلا الحلوه]

المشاركة الأصلية كتبت بواسطة خالد9921 مشكلة البعض إنه ياخذ القضية بالأخير على إنّها قضية شخصية ويصير فيها مقابع ومناطح ... والله لأسوق .. و والله ما تسوقي لو تبلطين البحر ! وبالأخير الكل مسيّر وليس مخيّر ولا له شي من صنع القرار وأتحدى على هذا الشي .. ! انا ما بغيت بصراحة ارد عالموضوع .. لكن للأسف في كمية عناد ونقاش جاهل تجبرك انك تطالب البقية بالحوار الراقي قيادة المرأة عندنا مشكلة إجتماعية مو ناخذها إنّها تحدّي بين فريقين والا مزاد على العقار علشان أشوف هالمقابع هنا وهالاساليب اللي بعضها مالها داعي ومستفزّه .. والمشكلة للاسف البعض ما يفرد عضلاته الا على اخوانه من بلده .. في النقاشات والمواضيع السطحية والاجتماعية البسيطة .. لكن هالشجاعة سبحان الله تندفن اذا جات بموضوع حساس ممكن يطير صاحبه من مقعده قدام الشاشه ! فـ حرّي بمثل هالشجاعة إنها تستحي من حالها وتعرف واقعها التعيس .. وإن العناد والهمجية في وجه أي وحده ودّها تسوق ماهيب بطولة ترى كان تبي البطولة انزل واحكم لنا في السووايق اللي يختلوون في بناتنا اما بطولة على مطالبات بالقيادة وانت مستانس إن انواع الاجانب يختلون في بناتنا فـ خل بطولتك وشجاعتك عندك .. وتفكيرنا يتعذر مثل هالتفكير السطحي .. أمر آخر أيضاً .. البعض كل ما انطرح موضوع قال فتنة وفتنة حتى حسّيت ان مصطلح فتنة ينباع في محل ابو ريال وريالين .. اول شي يا ليت نعرف مفهوم الفتنة كويس ويا ليت نرتقي بعقولنا ونتأمل هالمصطلح كويس ويا زين الفتنة اللي تدرأ فتنة أكبر وأكثر خطورة مثل إختلاء السائق الاجنبي بإمرأه .. ! حلوه هاذي سواقة المرأه فتنة .. لكن نشوفها بالسياره مع سايق اجنبي لحالها ابد مو فتنة البعض لا يسويلي فيها أسد .. كان فيك خير انا فيني خير وضد قيادة المرأه لكن خل خيرك يمنع الفتنة الاكبر اللي هي اختلاء السائق بإمرأه ثمّن هذري في ذا ,, ! والله لا انانية ولا حب ذات ولا شي .. بعضهم ما يدري وين الله حاطه .. لا يخونك التعبير هاذي طال عمرك كمية كبيرة من التخلّف والفكر الضعيف والتناقض يعني سبحان الله الحرمه لحالها مع سواق ما نقول شي أبدا مو فتنه جائز وحلال ! وتو انا عند الاشاره اشوف تاكسي جنبي وواضح انه اللي ورا سعوديات وضحك مع الهندي وعادي ابد مو فتنه مستحب كمان وش فيك فيها فتوى ان الوضع حلال خلاص عطلو العقول ! وامس الصباح طالع الجامعه واشوف انواع السيارات واقفه عند بنت بالشارع تحت الشموس مو لاقيه مين يوصلها ابد مو فتنه الا بالعكس ملكات ملكات النار والحديد لمن يتحرش بفتاة الإسلام .. ! بس محاولة قيادة المرأه وانها لحالها في مركبتها ابد فتنه وكبيره من الكبائر وجهنم وبئس المصير لا احد يفهم اني مع قيادة المرأه ويجي يصرفلي ليبرالي والا علماني من كيسه .. ! بس الحمدلله عندي ذرة عقل على ذرة غيرة وعزّه وما اقدر اتحمّل وضع حريمنا تحت امانة الاجانب واختلائهم فيهم بالسيارات في حين ان لحالها بسياراتها ابد جريمة لا تغتفر وكارثة شنيعة .. شوية منطق يا بشر ! وإن كان عندكم قدرة على اقامة الدين بل عناد وإستعباط مثل ما شفت هنا اقيموه عالمصيبة الاكبر والاخطر وهي اختلاء السواويق بحريم المسلمين .. ! على طاري تروح عند بنشر رجال والا مرور رجال اذا ساقت سلامات ياهوو ما كني اشوف طوابير حريم عند خياطين رجال ومقاسات وبطانه بعد ! البعض باقي يتكلّم انها راح تتعامل مع رجال اذا ساقت في حين ان ريحة صماخ الهندي وانتم بكرامه سدّت خشمها بالتاكسي غير ريحة عطرها وصوتها مجتمع مُسيّر فعلاً ما ينفع معه الا إفعل إفعل .. بطّل بطّل ..

تسلم يا بشمهندس على هذا الكلام

تفكير عقلاني وجميل بعيد عن العواطف