[BONTS]

سبحان الله وبحمده.. سبحان الله العظيم..





السلام عليكم ورحمة الله وبركاته







اول شيء.. الي خلاني اكتب الموضوع.. اهمية الساعات المكتبيه.. وان الكثير مايدريو عنها

كل البنات فالقروب والمسن اول ماكتبت (الاسبوعين هاذي بحضر الساعات المكتبيه) الكل ساليني عنها

وطلعو مو سامعين عنها اصلن.. فكل يوم ادخل اشرحها واقول كيف تطلعها و و و و .. الييييييييين صرت اقولها وانا نايمه < تراا جد هههه
و مع هاذا كلو مايلاقو الجدول.. ولا يعرفو كيف يطلعوه


المهم.. قلت خليني اكتب موضوع : (ماهي الساعات المكتبيه؟ وكيف تطلعيها؟ <ادخلي لتكتشفي كل ذلك) < بالله كيف الفصحى و التشويق بس ههههههههههههههههه


وبالصور.. عشان تلاقوها جاهزه مجهزه.. وتستفيدون منها.. لانها بجد تفك ازمه..



اول شيء الساعات امكتبيه هي: جدول يكون لابلتك.. مخصص انك يا طالبة الانتساب تروحيلها وتساليها الي تبغيه او تشرحلك شيء مو فاهمته او اي شيء اخر< احلا شيء


طبعن فالبدايه: لازم تعرفي شعبتك ---> ومنها تطلعي اسم ابلتك ---> وبالتالي تطلعي جدولك


الشعب والي كثير مايدري ايش يعني شعب: هي الحروف الي تكون فجدولك جمب الماده : زي AB او BB او BC وهكذا <هاذي نسميها شعب





الخطوه الاولى:
بعد ماتعرفي كل ماده انتي اي شعبه فيها.. وانتي داخله فالاودس ---> حتلاقي على يمينك مكتوب (قائمة الشعب الدراسيه) ادخليها ---> حتلاقي 3 مربعات.. المربع الاول اختااري اسم الماده.. المربع الثاني اختاري سنة 2011.. المربع الثالث اختاري النصف الدراسي الاول.. بعدين (استعلام ) ---> حيطلعلك جدول كبير فيلو الشعب.. كل شعبه جمبها اسم الابله الي تدرسهم


ومن هنا عرفنا اسم الابله حقتنا فالماده المطلوبه..





الخطوه الثانيه:

تنسخي اسم ابلتك كاااااااااااامل من الجدول طبعن.. وتدخلي موقع الجامعه ---> http://www.kau.edu.sa/ على يسار الصفحه فيه مربع البحث.. الصقي فيه الاسم بالكامل

بعد كذا حتطلعلك صفحة ابلتك.. حتلاقي على اليمين مكتوب ( السيره الذاتيه, الملفات, الساعات المكتبيه, ... )

ادخلي ---> (الساعات المكتبيه) ---> حتلاقي الجدول ( اي يوم واي ساعه)

ملاحظه:
بعض مواقع الابلات.. ماتلاقو مكتوب (الساعات المكتبيه)
عشان كذا.. ادخلو (السيره الذاتيه) --->حتلاقو ايميل الابله واحيان رقم جوالها.. ارسلولها على الايميل واسئلوها عن جدولها.. وحتردلكم ان شاء الله




هذا كولو طبعن للي فجده وحابب يحضرها


يارب انكم فهمتو بس


واي شيء مو واضح.. لا يردك الا الكيبورد





سبحانك اللهم وبحمدك.. اشهد ان لا اله الا انت.. استغفرك واتوب اليك..