[bint aboha]

المشاركة الأصلية كتبت بواسطة خالد9921 مرحبا خيتو بنت أبوها اممم ليه حنا ما ناخذها من منطلق الرومانسية اللي نقول مفقوده بين ازواج مجتمعنا طبعا انا ما اقول ان الرجال يهضم حق اهله بالمره او يقاطعهم فترات طويلة وما يسأل عن ابوه وامه او اخوانه هذا اكيد شي مو طبيعي ومو كويس ابداُ بس برضو لازم يكون فيه استقلاليه بحياتك الزوجيه وحياتك الجديده عشان انت كمان تنبسط وزوجتك وتحسون بكيانكم واحد من اصحابي توه متزوج قريب ماشاءالله كل ما يكلمني عن حياته مافي الا ماخذ حرمته ويتمشون مع أهله والمشكله اهله مو قاصرهم ماشاءالله فيهم عيال كبار وابوهم قادر وسيارات وكل شي غير انه هاذي اول سنه زواج له ! انا بفهاوتي المعروفه قلت له يا رجل رح موووت مضيع عليك وعلى زوجتك احلى ايام العمر ومع الايام بتتضايق الحرمه وتجيب المشاكل لنفسك لانك ما تعرف توزن الامور كويس بحياتك لا تقطع اهلك او تمشياتهم بس اوزن حياتك مو كل الوقت لهم خصص اكثر الاوقات مع زوجتك انت رب أسره الحين وملزوم من بنت الناس لاشوتك طووووط وكلام مشفر بالنسبه لموضوع الاخت والزوجه امم لما تكون اختي فيه احد يعولها زي ابويه الحمدلله ومافي شي قاصرها وكل شي يجيها وغير اخواني الثانيين الكبار و و و و اكيد ما بأكون دلخ لدرجة اي حاجه اشتريها لزوجتي اشتريها لها سلامات ضراير وانا مدري الواحد يمشي الامور بعقلانية وتوازن وراح يكون مبسوط واللي معه قطيعة الاهل والتقصير بحقهم طبعا ما تجوز والواجب الواحد يزور اهله كل اسبوعين او ثلاثه في اسوأ الاحوال خاصة اذا يشتغل بنفس مدينة تواجدهم ويتصل عليهم ويسلم ويشوف امورهم كل أسبوع مثلاً اما احتياجات الزوجه او الهدايا لا يمكن اقرنها بطلبات لاختي كمان كل مره !! شي ما يدخل الراس لما يكون اختك في ابوك يعولها وكل اللي تبغاه يجيها الواحد ممكن يهدي اخته جهاز او شي كل فتره او مع النجاح بالدراسه او اذا كلمتها وقالت محتاجه كذا ويسلم عليها كل فتره ويتقرب لها ويسمعلها بس انو ما تكون شي روتيني مع سوالف زوجتي وهي مو قاصر عليها شي !! حتى كذا بصراحه فيه ظلم لـ بنت الناس وبتحسسها انك تابع لاهلك ولا تعطيها حقها .. وفيه مشاكل من هالنوع لما يكون الرجل مره تابع لأهله وعلى شورهم ويا كثرهم برضو معليش لازم تحسس زوجتك بإستقلاليتك وانك صاحب قرارك في مرحله ما من العمر كل رجل لو استشعر رضا الله في إسعاده لزوجته وتحسيسها بكيانها عن الغير وهي تستحق مع القدرة على ذلك مثل انو اهلك مو محتاجين ولا انت قاطعهم ربي ان شاءالله حيرسل لاختك واحد يخاف الله فيها ويسعدها زي ما انت صنعت مع بنت الناس .. وكل بنت متضايقه من وضع اخوها وزوجته لو مش مأذيينها او مقصرين معها واهلها لابد تفكر انها كمان ما ترضى يكون زوجها تابع لأهله وقراراتهم على حساب سعادتهم شكراً موضوع جميل (:

اخ خالد قلت كل ما في خاطري ولكن نسيت كلمه واحده لو

أضفتها للأصبح ردك مؤهلا من بين كل الردود الا وهيا

التوازن والوسطيه ف كل شي

مشكور ع المرور وانتظر مرورك ف كل مواضيعي